OUTONO

Pintado con cores laranxas, amarelas, vermellas, verdes e marróns chegou o outono. Os nenos e nenas de infantil descubrimos a nova estación coas súas peculiaridades. Paseamos pola horta do centro para identificar os cambios na contorna, que sorte a nosa!, creamos na aula o noso propio recanto do outono coa colaboración das familias, as cales sempre se amosan predispostas a participar, degustamos froitos típicos desta época e ata debullamos millo! Agardamos desfrutar de todo aquelo que o outono nos poida brindar!

SAMAÍN INFANTIL

Os nenos e nenas de Educación Infantil achegámonos a unha das festas populares do outono: o Samaín. Desfrutamos descubrindo algunha das súas características e deixamos voar a nosa imaxinación coa elaboración de pezas relacionadas coa festividade que resultaron do máis terroríficas!

SAMAÍN 2022

E un ano máis chegou o Samaín, así que puxémonos mans á obra e esta semana, o alumnado de 1º de EP preparou unhas fermosas cabazas de papel, 2º , 3º e 4º de EP uns farolillos, e 5º e 6º EP decoramos con motivos terroríficos unas láminas con xices. 5º e 6º de EP e tamén a ESO participamos na actividade de escritura creativa: “Micropesadelos”. Contamos pequenas historias, contos e lendas que meten medo! Redactamos, pintamos e decoramos así de terrorífico o noso corredor, adicado  a esta festa tradicional.

Que pasedes un feliz Samaín!

DOMUND

Este domingo 23 de outubro celebramos o DOMUND, co  lema “Seredes a miñas testemuñas”, a xornada quere compartir as testemuñas dos misioneiros, “o rostro más bonito da Igrexa”.

Nesta xornada, dun xeito especial, a Igrexa universal reza polos misioneiros e colabora coas misións. Este ano, esta data é máis especial, xa que o DOMUND cumpre 200 anos ao servicio da misión. 

FORMACIÓN DEPARTAMENTO PASTORAL

Os profesores tamén necesitamos formarnos, e a iso adicámonos un pequeno grupo o pasado fin de semana en León na Casa Provincial das Fillas da Caridade. Nesta formación centrámonos na importancia do ser, saber e saber facer, como persoas crentes no Deus de Xesús de Nazaret… ao estilo de San Vicente e Santa Luisa. 

Estes cursos fannos avanzar xuntos e mellorar, persoal e profesionalmente, como educadores vicencianos. 

AULA DE PT

Este curso 22-23 inaguramos unha nova clase,  onde  a diversidade poderá ser atendida por unha especialista que fará que os nosos alumnos poidan traballar atendendo as súas necesidades.

María será a encargada de compaxinar as actividades no grupo-clase e as tareas individuais.