SANTA LUISA

Cada 9 de maio, a Familia Vicenciana celebra a  Luisa de Marillac, muller intelixente e decidida que iniciou a atención ao servizo aos máis  pobres. Luisa é a cofundadora, xunto a Vicente de Paúl, da Compañía das Fillas da Caridade. Luisa é un fermoso exemplo de entrega incondicional ao próximo. Ela fixo realidade o seu soño, a misión que Deus lle encomendou: atender aos máis necesitados do seu tempo en Francia: nenos abandonados, enfermos, anciáns, persoas sen casa….. Por iso queremos ser portadores da súa labor, facendo que ela sexa o CORAZÓN do noso colexio.

NAVEGA CON RUMBO

O alumnado de 6º EP e 1º ESO analizaron os perigos da Internet da man do enxeñeiro informático Federico Ramiro.

O obxectivo do programa do que forma parte esta sesión é favorecer o uso responsable de internet e as redes sociais e previr o ciberacoso e outros ricos derivados do mal uso de internet e das redes sociais.

SANTA LUISA DE MARILLAC

Mañá, 9 de maio, toda a familia Vicenciana celebramos unha festividade moi especial: a festa de Santa Luisa de Marillac. Xuntos festexamos con ledicia  e  con agradecemento a figura desta muller excepcional e comprometida, que nos deixou un importante legado: axudar aos máis pobres. 

SAVE THE CHILDREN

Unha tarde de lecer,alegría,deporte e solidariedade inundaron o noso patio e arredores.
Dende a EI cos seus triciclos e patinetes, pasando polas carreiras e circuítos de EP para rematar  cos alumnos da ESO no cume do monte Tahúme ben en bicicleta ben coa ruta de senderismo alzamos as nosas voces contra a guerra na infancia .
A máis sincera e ben merecida felicitación a Uxía e Paula, alumnas de 4º da ESO por ser as primeiras en realizar a ruta en bicicleta.

A empatía, compromiso e movilización dos nosos alumnos conseguirán devolver a esperanza que perderon miles de nenos e nenas que viven en conflito.

DÍA DE LA MADRE

Maestra, contadora de historias,compañera de mi vidami adivina favorita GRACIASpor darme seguridad con tus abrazos,y saltar los charcos conmigo.Tu paciencia es infinitaY luchas incansable por un mundo mejor.Consigues dar luz a los días más grises¡Siempre tienes razón!Gracias por tus “te lo dije” y “ya lo entenderás”y por acompañarme.El amor más incondicional ¡Feliz día mamá!

DÍA DO LIBRO

O pasado sábado celebrouse o Día do Libro.

O alumnado de Educación Infantil adentouse no mundo dos contos desfrutando do apadriñamento lector dos alumnos de 1º e 2º de Educación Primaria, mentres que o alumnado da ESO preparou unha exposición para celebrar esta data e como mostra expuxeron os traballos feitos durante o Plan Lector.

1º de ESO presentou “ A caixa das estrelas” baseada na novela de Ricardo Gómez, O cazador de estrelas e os murais do Chamádeme Simbad de Francisco Castro.

Os lapbooks e muráis de 2º e 3º da ESO baseáronse nas lecturas Cartas de Inverno de Agustín Fernández Paz e Un loto na neve, de Gonzalo Moure.

Amosaron aos compañeiros tamén os traballos do PROXECTO ANTROIDO realizado por 1º e 2º da ESO.

A lectura achéganos a un mundo de coñecementos, enriquécenos como persoas e forma parte xa das nosas vidas.

ESCOLLEMOS DESTINO……

Ao longo destas semanas, os alumnos de 6º levamos a cabo unha viaxe moi interesante pola xeografía europea.

Antes de tomar rumbo, preparamos a nosa maleta e a documentación necesaria para voar libremente. Fixemos o noso carné de identidade e pasaporte, e solicitamos un billete de avión co destino selecionado por cada alumno.

Coa seleción de cada país feita, cada alumno pescudou información sobre o clima, a capital, os principais monumentos, pratos típicos… Máis tarde, organizaron os datos e presentáronos nunha exposición oral aos seus compañeiros. Estes, tomaron datos de toda a información que iban escoitando no seu pasaporte, e antes de viaxar ao seguinte país, pasaron por aduanas a selar o seu pasaporte.

A información aportada polos compañeiros, permitiunos coñecer a cultura doutros países veciños, disfrutar dos monumentos máis interesantes e dos pratos máis deliciosos, ao son da música tradicional de cada país.