Autor: Administrador

O 2 de maio, os grupos de 5º e 6º de primaria tiveron un día diferente. O alumnado foi de excursión a Allariz. 

Pola mañá visitaron o Allariz do pasado da man dos nosos guías Herminia e José Luis. Durante o percorrido pola vila fomos coñecendo diferentes aspectos relacionados coa arquitectura do lugar de xeito teatralizado.  

Logo desprazámonos ata o Centro Medioambiental do Rexo onde xantamos ao aire libre. Máis tarde visitamos a granxa e os monitores explicáronnos moitas cousas arredor do seu funcionamento. Alí visitamos a obra do artista Agustín Ibarrola e tamén compartimos ideas sobre como facer un mundo máis sostible e de calidade para todos. 

Durante a visita desfrutamos dos animais que se atopaban alí e do entorno do río Arnoia. 

Como cada ano, o 9 de maio conmemoramos a festa da nosa fundadora Santa Luisa de Marillac. Unha celebración na que nos reunimos todo o colexio para dar gracias a Luisa de Marillac que entregou a súa vida polos demáis e que soñaba ao grande. Sentímonos agradecidos por poder formar parte deste soño, que Santa Luisa de Marillac xunto con San Vicente de Paúl dirixan o rumbo das nosas travesías!

O departamento de Convivencia puxo en marcha un proxecto para concienciar ao alumnado da importancia que teñen as actuacións individuais para a mellora dun colectivo. 

Os alumn@s serán os encargados de observar e expresar por escrito cubrindo as fichas que colgan da árbore,  as boas e malas accións que se vaian desenvolvendo no centro escolar depositándoas nunhas urnas de diferentes cores (azul e vermella) que están  situadas no corredor.

Cada semana se fará un rexistro da información aportada polo alumnado co obxectivo de solucionar e mellorar os conflictos xurdidos.

Os alumnos do segundo ciclo de Educación Primaria viviron unha nova experiencia no Museo Municipal de Ribeira o pasado día 26 de abril.

A integrante do grupo Leilía, Montse Rivera, levounos por unha viaxe a través do traxe rexional galego. Fíxoo dunha maneira sinxela, orixinal e dinámica. A súa narración ía acompañada de cantigas referidas ás pezas de roupa que nos amosaba. Tamén fixo partícipes tanto ao profesorado coma ao alumnado vestíndoos con pezas de roupa tradicionais coas que vestían os nosos devanceiros. Pasámolo xenial!

@s alumn@s de 3º da ESO tiveron un Obradoiro dentro do Programa Educativo “Iniciación segura á pegada dixital e ás redes sociais”, ofertado pola Consellería de Educación.

Pretende capacitar ao alumnado no uso seguro, responsable e proveitoso das Tecnoloxías da Información e a Comunicación.

No obradoiro abordaron:

• A xestión segura das redes sociais que máis están a empregar os adolescentes.
• Explicación do que é a Identidade dixital e a importancia da pegada dixital.
• E coñecemento de ferramentas e recursos aos que poden acudir cando teñen alguna dúbida sobre o uso seguro da tecnoloxía.

Estivo impartido por Manuel Rivas, especialista da Axencia para a Modernización Tecnolóxica de Galicia (Amtega).

Estamos na mellor época para seguir creando ilusión en contacto coa natureza: plantar, debuxar, decorar…e sempre cun gran sorriso.

Estamos  a entrar na recta final deste curso e queremos seguir agradecendo ás familias  e ao noso alumnado a súa colaboración neste proxecto en colaboraciòn con Cáritas. Sen vós isto non sería posible.

Con motivo da conmemoración do Día do libro, o 23 de abril, ao longo da semana leváronse a cabo diferentes propostas relacionadas coa lectura. Entre elas podemos destacar o apadriñamento lector, actividade interetapa entre o alumnado de 1º de primaria e 6º de infantil, a lectura en familia, onde as mamás dos cativos de 5º de infantil nos narraron os seus contos preferidos ou  cóntoche un conto, un obradoiro de lectura dos alumnos de 6º de primaria a 4º de infantil. Un clima de maxia inundou o centro, onde nenos e nenas, profes e familias desfrutamos da literatura deixando voar a nosa imaxinación.

Mindfulness, que pode traducirse ao galego como atención plena ou consciencia plena, consiste en lograr ser consciente do momento presente e centrarse no que está sucedendo «aquí e agora». Esta técnica produce nos nenos e nenas múltiples beneficios: axuda á autorregulación emocional, reduce o nivel de estrés, mellora a atención e a concentración, incrementa o rendemento académico ou contribúe a formar un alumnado resilente, creativo e positivo.

Aproveitando as instalacións do centro, achegamos aos nosos cativos ao mindfulness nunha contorna que invita a conectar con eles mesmos e coa natureza. 

Para celebrar o Día do Libro, o alumnado de 5º de EP realizou durante toda a semana pequenas exposicións individuais nas materias de Lingua Galega e Lingua Castelá recomendando diferentes libros aos seus compañeiros e compañeiras. Posteriormente crearon un espazo no corredor relacionado con esta actividade chamado “EXPRÉS-ARTE” para compartir esas recomendacións co resto do alumnado do centro.

Os alumnos de 6º de Primaria celebraron o 80 aniversario do “Principito” facendo un proxecto interdisciplinar coas áreas de Lengua e Plástica amosando os debuxos máis significativos e as leccións de vida que nos ofrece.

Os alumnos de 1º de Primaria elaboraron un marcapáxinas participando neste aniversario especial. Un libro sen idade e con moitas reflexións sobre o mundo da infancia e a vida adulta.

1º e 2º de

ESO estiveron traballando nunha actividade que titulamos “Nuestros libros favoritos”, unha actividade moi sinxela que consistía en que cada alumno escollese o seu libro favorito e posteriormente tiveron que elaborar unha ficha en cartulina explicando por que ese era o seu libro favorito. Logo para a exposición trouxeron o exemplar en concreto, que foi exposto no corredor acompañando cada libro coa súa correspondente ficha.

Por outra banda, o alumnado da ESO celebrou este día coa exposición no corredor de Secundaria das Caixas Simbad de 1ºESO feitas sobre a lectura de trimestre. 3º ESO expuxo os seus caligramas traballados na poesia de vangarda e todos xuntos participaron na creación dun mural Exprés-Arte no que escribiron sobre os seus libros, xéneros e autores preferidos.