CPR PLURILINGÜE LA MILAGROSA-JOSEFA SOBRIDO

Hoxe o noso alumnado participou  nunha charla da man de Felipe Martínez para aprender a navegar polas redes con seguridade.

O alumnado de 1º e 2º da ESO participaron no taller de Renacer para explorar o mundo das emocións e a súa autoregulación  como adestramento para a vida.

Rodrigo Marques alumno de 2º da ESO participou no campionato galego de  Taekwondo  en Oza gañando a medalla de ouro por segundo ano consecutivo.

Parabéns

Os alumnos de 6º de EP levaron a súa voz e o seu corazón polas aulas para sensibilizar sobre o autismo a través da música. Con «Di-versos» a canción que compuxeron, lembráronnos que todos somos únicos e valiosos.

Recepción de premios por parte do noso alumnado  pola súa participación na Festa   de Entroido organizada polo Concello.

Como cada ano por estas datas as etapas de primaria e ESO participan nunha andaina ata o Dolmen de Axeitos co obxectivo de concienciar do importante que é compartir con aqueles que teñen menos recursos. A comida dese día é un bocata solidario, peza de froita e auga.
Grazas pola vosa participación.

Os nosos alumn@s fixeron as súas mellores actuacións ao longo do pasarrúas. Os máis pequenos desfrutaron de actividades lúdicas tendo o mundo do circo como centro de interese.

O noso alumnado achegouse á vida e obra de Rosalia de Castro a través dunha performance en todas as etapas educativas.

O alumnado da etapa da ESO gozou duns días na neve na estación de Leitariegos.
A práctica do esquí e a visita a Ponferrada foron actividades actividades que completaron uns días de convivencia.

Os nenos de 4°de Educación Primaria crearon a o seu propio Elmer dunha maneira única, diferente e especial. Comprendendo toda a diversidade que nos rodea, comezando por un mesmo.