Os alumnos e alumnas do noso colexio participaron no Cross celebrado na Fieiteira, nunha xornada chea de deporte, compañeirismo e diversión.
Vivimos un ambiente moi agradable, con carreiras, ánimos, bailes e moitos sorrisos.
Unha oportunidade para gozar da actividade física e compartir momentos con alumnado doutros centros.
Noraboa a todos os corredores e corredoras polo seu esforzo, entusiasmo e participación!
O alumnado de ESO desfrutou dunha xornada cultural en Santiago de Compostela. Durante a mañá realizou a visita ás cubertas da Catedral , unha experiencia única que lles permitiu contemplar de preto a maxestuosidade do templo e desfrutar dunhas impresionantes vistas da cidade.
Posteriormente, o grupo visitou a Cidade da Cultura , onde participou nunha actividade centrada na arquitectura do complexo diseñado por Peter Eisenman. A través da visita guiada, o alumnado descubriu as características máis destacadas deste singular espazo, reflexionando sobre a relación entre arquitectura, paisaxe e cultura contemporánea.
A xornada resultou moi interesante e educativa fóra da aula.
O pasado 6 de novembro o alumnado e profesorado da ESO disfrutaron dunha marabillosa xornada pola Serra do Barbanza. Foi unha actividade de sendeirismo de natureza na que se visitaron as mámoas presentes no roteiro programado. Nelas, os estudantes realizaron as actividades relacionadas co megalitismo da zona.
Finalmente comemos tranquilamente nunha chaira disfrutando da contorna e acompañados nalgúns intres polos cabalos e vacas da zona.
O salón de actos do cole converteuse nun recuncho onde habitaba o terror. Cada quen deu ronda solta á imaxinación coa creación de microrrelatos de medo, decoración das cabazas, recopilación das diferentes manifestacións desta tradición que herdamos dos celtas.Non podían faltar as arañas e esqueletos que ían cobrando vida para o desfrute de todos.
Os máis pequenos desfrutaron de xogos e cancións para celebrar Halloween na clase de inglés na compaña dunha bruxa especial.
Como cada ano o 27 de setembro o noso cole está de festa para conmemorar ao fundador das Fillas da Caridade.
As tres etapas visitamos a capela para as celebracións, que este ano estiveron dirixidas por José Ramòn Amor.
A escoita e o acollemento estiveron presentes para seguir as pegadas de San Vicente.
A xornada rematou cunha gran chocolatada con churros.
O martes 29 o profesorado empezará a primeira das 3 sesións de formación programadas para este curso baixo o tema «UNHA TITORÍA EXCELENTE»
OS alumn@s da ESO colaboraron cos mestres dos máis pequenos na realización de actividades durante as Xornadas de Sensibilización.
Foron quen de atraer a súa atención e prestarlles a escoita que se merecen.
