CPR PLURILINGÜE LA MILAGROSA-JOSEFA SOBRIDO

Hoxe inauguramos o taller de «Creative Cuisine» cos nosos pequenos chefs de primeiro e segundo de Primaria. Estaban moi nerviosos durante a elaboración da súa primeira receita coma cociñeir@s. Aquí vai unha pequena mostra do elaborado.

O pasado xoves 1 de outubro incorporouse ao noso centro Stacie,  a auxiliar de conversa  que nos vai acompañar a alumn@s e profesores este curso. A comunidade educativa  do colexio A Milagrosa dálle a benvida!

As historias son unha fonte inesgotable de imaxinación e creatividade, que permite ao neno abrir a súa mente a paraxes e aventuras insospeitadas. Por esta razón, cada titora buscou un conto que decorase a súa porta e que invitase aos seus alumn@s a formar parte dun entorno de creatividade e cooperación.

Deste xeito, as nosas portas e corredores, convertéronse nesas páxinas vivas que queren facer da lectura un placer para @s nen@s.

Ao longo deste ano, pretenderemos favorecer ese clima de orixinalidade e innovación que permita aos alumnos afrontar riscos e ser quen de innovar ante as dificultades que se presenten.

Para iso, contamos coa colaboración de todo profesorado, que dende as distintas materias e enfoques irá implicando o conto correspondente no noso día a día, e axudándonos a velo con outros ollos.

Este luns 28 de setembro, celebramos a festividade de San Vicente de Paúl.  Quixemos facelo lembrando esta frase que el pronunciou.

A Educación Infantil visitou a capela do colexio e realizou diferentes actividades para traballar a vida de San Vicente.

A Educación Primaria realizou unha celebración na capela do colexio, na cal todos os cursos presentaron un símbolo do traballado nestas xornadas (Creatividade) e un compromiso para este curso.

A programación das reunións das familias coas titoras na vindeira semana é a seguinte:
LUNS 5 OUTUBRO: 5º E 6º de EP, 3º,4º ESO HORA: 18:00

MÉRCORES 7 OUTUBRO: 1º,2º de EP, 1º, 2º ESO HORA: 18:00

XOVES 8 OUTUBRO: INFANTIL 18:30,E 3º, 4º de EP HORA: 18:00

A toda a comunidade educativa do colexio A Milagrosa:

E xa botamos a andar un novo curso, polo que queremos darvos a benvida a todos e todas. Que as nosas  ilusións e forzas nos axuden a cumprir os obxectivos, que o curso que agora comezamos nos prepare no camiño de aprender, que o exemplo de San Vicente e Santa Luísa nos acompañe sempre.

Feliz curso 2015-2016!

Fernando Pessoa.

O vindeiro xoves 1 de Outubro, comezará a xornada completa , polo tanto a hora de entrada será ás 9:30.
Os rapaces usuarios do transporte escolar deberán estar nas paradas 30 min mais tarde do habitual.

Despois da experiencia do paso da auxiliar de conversa por este centro, este curso vamos a darlle continuidade. Neste mes de outubro, escomezará unha auxiliar de conversa que acompañará ao profesor titular de lingua estranxeira nunha sesión semanal en tódos os cursos do centro. Nos cursos nos que o Coñecemento do medio se imparte en inglés ( Science) tamen estará presente nesa materia unha vez á semana.
Ademais, na hora extraescolar formará grupos de conversa cos alumnos de 6º de EP ata 4º ESO que soliciten esta actividade. Este servizo supón un custo que a administración non vai sufragar, pero que aínda así consideramos que é de vital importancia. Polo tanto, é fundamental a participación das familias a través dunha aportación en forma de donativo voluntario.
Confiamos que as familias colaboren con esa aportación, xa que aínda que a porcentaxe de participación do curso pasado foi alta, o feito de ter unha cuota moi axustada, deu lugar a que o centro non cubrise tódolos gastos deste servizo. É preferible que participe todo o mundo ca ter que subir a contía por alumno, e sobre todo, porque é un servizo que disfruta TODO o alumnado.
A forma de colaborar é a seguinte: facer unha única aportación voluntaria de 25€/alumno na seguinte conta: ES35 0238 8198 1806 0000 3271
É moi importante facer constar o nome e curso do alumno relacionado coa aportación, para que poidamos rexistrar estes ingresos. Como o centro xa ten que efectuar o pago da primeira cuota, sería interesante que as aportacións se fixeran antes do 10 de decembro. Se algunha familia non pode asumir este servizo ou esta data límite, poden poñerse en contacto coa dirección do centro.

A continuación pode descargar a listaxe definitiva correspondente á convocatoria de FONDOS LIBROS para os cursos de 2º e 4º da ESO:

No DOG do 1 de setembro de 2015 está publicada a Orde que regula as axudas para a adquisición de material escolar.
Para consultar as bases prema na seguinte ligazón: Orde axudas material

Documentación a achegar xunto á solicitude:
– Copia do DNI ou NIE dos membros computables da unidade familiar
(cando non autoricen a consulta telemática).
– Copia do libro de familia onde figuren todos os membros computables da
unidade familiar.
– Declaración do imposto sobre a renda das persoas físicas do ano 2013 ou,
na falta desta, o certificado tributario de imputacións dos membros
computables da unidade familiar distintos da persoa solicitante (cando non
autoricen a consulta telemática).
– No caso de discapacidade igual ou superior ao 33% dalgún membro da
unidade familiar (incluído/a o/a alumno/a), documento que acredite esta
circunstancia).
– No caso de situación de violencia de xénero no ámbito familiar:
documentación acreditativa.

CONTÍA DAS AXUDAS: 50€ por alumno ou alumna que reúna os requisitos. O vale poderá usarse  ata o 31 de outubro de 2015 (este incluído).