Despois de 13 anos no colexio os alumnos de 4º da ESO remataron a súa primeira andaina académica cunha emotiva celebración acompañados polas súas familias, amigos e profesores.
GRADUACIÓN 4º ESO
PEQUEARTISTAS
Rematou o curso de “Pequeartistas” coa realización dunhas bolsas veraniegas cheas de colorido e moita creatividade que luciremos durante a época estival.
Ata o próximo ano.
Esperámosvos o próximo ano!!
CERCEDA
O mércores 14 de xuño os alumn@s do 3º ciclo de primaria desfrutaron dun día de xogo e diversión como invitados de Radio Voz, pola súa participación no Ecopreguntoiro chegando a ser finalistas.
O próximo ano repetiremos a experiencia.
O DENTISTA VISITA O COLE!
Hoxe remataron as sesións de información odontolóxica que os alumn@s de primaria recibiron neste último trimestre.
Aprenderon e identificaron a mordida e as consecuencias dunha mala hixiene,alimentación, traumatismos, bacterias…
O obxectivo e concienciar ao alumnado duns bos hábitos da hixiene bucal.
MATEMÁTICAS MANIPULATIVAS
O pasado venres o alumnado de 1º de Educación Primaria estivo traballando matemáticas na aula de Pedagoxía Terapéutica.
DÍA DA FAMILIA
O sábado 10 de xuño desfrutamos dunha convivencia onde reinou un ambiente de festa: risas, ledicia, compañía, contacto, compromiso e presenza son algúns termos cos que podemos definir esta xornada. Todas as persoas que conformamos esta gran familia Vicenciana logramos compartir o mellor de cada un.
As diferentes actividades levadas a cabo como a andaina pola contorna que rematou cun fermoso recital de poesía, diversos obradoiros que amosaron a creatividade e imaxinación de cada participante, un rico xantar campestre na horta do centro e unha ampla variedade de xogos populares onde a diversión e a cooperación foron un elemento clave.
Todo isto, foi posible grazas á implicación de todo os que formamos a comunidade educativa.
Mil grazas a todos!
AULA PT
Hoxe o alumnado de 6º de Educación Primaria traballou na aula de Pedagoxía Terapéutica.
Realizaron diferentes actividades en cooperativo e de maneira simultánea nos diversos rincóns da aula: matemáticas, lingua, o mercado, xeografía e construción
.
Con flores a María
Como cada ano ao rematar o mes de maio, o mes da Virxe, os nenos e nenas de Educación Infantil realizamos unha ofrenda floral á Virxe. Con gran devoción acudimos en procesión á capela que temos na horta do colexio, cantamos cancións, recitamos poesías e entregámoslle as flores que con agarimo cada cativo trouxo da súa casa.
Coidamos a boca!!
O pasado venres, 2 de xuño, o alumnado dende Infantil ata 3º da Primaria participaron dunha importante charla no salón de actos: «Coidando a miña boca».
Sofía foi quen nos explicou as funcións dos dentes e a boca, enfermidades máis frecuentes e a importancia de ter hábitos de vida axeitados, especialmente na saúde bucodental, como son o cepillado correcto e o consumo dunha dieta que evite a carie.
Esta charla forma parte das actividades de promoción da saúde que promove a Consellería de Sanidade e o Colexio de Odontólogos para fomentar hábitos de hixiene bucodental.
DIVERSIÓN E AVENTURA!
Ao fin chegou o tan desexado 26 de maio, ese día marcado no calendario que a miúdo mirabamos e esperabamos con tanta ilusión. Como colofón a este curso que remata, os alumnos de 1º a 4º de EP fixemos unha saída a Galipark (Padrón).
A aventura comezou pola maña, cando todos nos reunimos no colexio cheos de ilusión e con ganas de divertirnos.
Unha vez en Galipark, os pequenos aventureiros comezamos a explorar cada recuncho do parque ansiosos por descubrir todo o que nos esperaba. Unha das actividades foi o tiro con arco, na que amosámola nosa puntería e habilidade.
Despois puxemos a proba as nosas destrezas nos percorridos polas cordas dos circuítos de altura onde nos movíamos con axilidade e sen medo. Tamén desfrutamos da tirolina ¡Que impresión!
Para calmala calor por tanto axetreo, estivemos no tobogán acuático e na piscina antes de comer.
Foi unha xornada diferente, de convivencia con compañeiros e mestres onde os rapaces se amosaron felices de estar todos xuntos nun ambiente lúdico. A saída foi un éxito gracias a labor dos monitores, xunto cos mestres, que nos guiaron durante todo o percorrido e nos axudaron en cada actividade.
Disfrutamos moito desta aventura!!
