Un ano máis o alumnado da ESO achegouse á obra da autora para conmemorar o seu aniversario. Versos, poemas e fotografías enchen as aulas e o corredores para lembrar a actualidade da súa poesía.
Feliz día de Rosalía!
24 de febreiro: Día de Rosalía
Noticias
Visita da autora Antía Yáñez
O 12 de febreiro o alumnado de 1° e 2° da ESO puido desfrutar dunha agradable charla da man da autora da obra «O misterio de Portomarín», libro do plan lector deste trimestre.
Moitas grazas á escritora polas súas verbas e polas rúbricas dedicadas aos alumnos.
APRENDEMOS XOGANDO
Os alumn@s de 1º e 2º de E.P acoden a aula de informática para repasar e reforzar os contidos na área de Science.
O DÍA DE ROSALÍA
Os alumn@s de 5ºe 6º de E.P. participan nas actividades organizadas polo concello para conmemorar o Día de Rosalía de Castro coa representaciòn teatral Trilla,Trilla.
Os alumn@s interactuaron durante a actuación co fin de coñecer o léxico e refráns da nosa lingua.
NINGUNHA FAMILIA SEN COMIDA
Cada mes, o alumnado de 3º e 4º de Primaria, implícase nunha campaña diferente.
Nesta xornada, os nosos esforzos van destinados á Loita contra a Fame.
Comprometidos e concienciados coa causa, cada rapaz vai aportando o seu gran de area para colaborar con aquelas familias da contorna que precisan da nosa axuda.
Día a día, vemos como se senten implicados e se preocupan máis por aqueles que non gozan das mesmas oportunidades.
GRAZAS POLA COLABORACIÓN DE TODAS AS FAMILIAS!
EN FORMACIÓN
Durante a fin de semana, un grupo de profesores asistimos a un curso de formación sobre avaliación auténtica.
Dun xeito moi dinámico, presentóusenos un rico abano de ferramentas e recursos que nos permitirán ceder o protagonismo ao alumnado, sendo quen de autoavaliar e coavaliar os seus progresos.
RESPONSABLES DA NOSA APRENDIZAXE
A educación de hoxe en día implica participación activa por parte do alumnado. Grazas ás actividades que levamos a cabo en Cooperativo, tanto en Ed. Primaria como en Secundaria, o alumnado convírtese en protagonista dos seu proceso de ensino-aprendizaxe.
En colaboración cos seus compañeiros, síntense motivados e responsables das tarefas que levan a cabo, e tanto nun traballo como nunha simple actividade diaria, poñen a proba as súas competencias.
XANEIRO SOLIDARIO
As pombas e os corazóns estiveron ao longo deste mes engalanando o noso centro e acompañando as diferentes actividades realizadas por mestres e alumnos.
Seguimos coa campaña de recollida de alimentos , este mes os encargados foron 1º e 2º de EP.
Disputáronse os partidos de fútbol correspondentes á “Liga da Paz” onde se fomenta o xogo limpo, respecto ao equipo contrario e bo vocabulario.
Un ano máis participamos na carreira solidaria “Save the children”.
Este ano a nosa colaboración servirá para axudar a etnia “Rohingya”, obrigados a fuxir do seu país de orixe e vivindo dende hai anos nos campamentos de refuxiados de Cox Bazar (Bangladesh).
Familias, alumnos e mestres colaboran en todas as actividades arredor desta carreira.
Os máis pequenos do colexio participaron nas carreiras de triciclos.
Os alumnos de EP. disfrutaron cos diferentes circuítos organizados no polideportivo do colexio.
Excursión a Padrón
Os alumn@s de 5º e 6º de Primaria o 5 de febreiro desfrutaron dunha saída cultural a Padrón onde realizaron diferentes actividades.
Visitaron a Casa Museo de Rosalía de Castro e a Fundación Camilo José Cela, onde un guía lles explicou a vida e obra a grandes rasgos destes dous escritores galegos.
Pola tarde estiveron en “Galipark” onde puideron desfrutar da natureza cunha agradable comida cos compañeir@s e posteriormente leváronse a cabo diferentes actividades de escalada, sempre guiados por monitores.
Os rapaces e as mestras que os acompañaron viñeron moi contentos e satisfeitos pola boa actitude e aproveitamento tanto da actividade cultural coma lúdica.
Deporte intercentros
O pasado día 7 de febreiro o noso alumnado tivo a terceira xornada de deporte escolar no Polideportivo Municipal de Palmeira, onde desfrutaron de diferentes deportes xunto cos compañeiros e compañeiras do CEIPP de Palmeira. Un día máis, todos o pasaron en grande compartindo unha xornada de actividade física, na cal fixemos equipos mesturándonos cos compañeiros e compañeiras de Palmeira, fomentando deste xeito os verdadeiros valores do deporte.
