Noticias

Hoxe é o día de Rosalía. Desde o 2º ciclo da ESO queremos formar parte da homenaxe á nosa poeta universal. A raíz da proposta da Asociación de Escritores en Lingua Galega elaboramos o seguinte traballo.

A todos e todas Feliz Día de Rosalía!!!

 Na mañá de onte, os alumnos e alumnas da ESO realizamos unha sesión de animación á lectura. Foi programada dentro das actividades do Plan Lector deste curso, despois de ler os libros seleccionados. Foi moi interesante e divertido, polo que agardamos volvelo a  repetir.

0s nenos de Infantil tamén celebramos o Dia da Paz participando nas distintas actividades programadas no colexio.

Ademais fixémolo coincidir co Día do Xoguete, aprendendo a compartir cos nosos compañeiros os xoguetes que trouxemos da casa. Foi  unha xornada moi enriquecedora.

O día 2 de Febreiro, o curso de 4º de Educación Primaria fomos invitados a asistir a unha xornada cultural no CIELGA (Centro de Interpretación dos Ecosistemas dos Litorais de Galicia) co gallo da conmemoración do Día Mundial dos Humedais.

No mesmo centro asistimos a unha charla didáctica sobre a importancia dos humedais e aprendemos a recoñecer os diferentes tipos de especies de fauna e flora dos nosos litorais. A continuación ensináronnos tamén  distintos tipos de pegadas, cunchas,…. así coma aparellos de pesca de antano ata os nosos días.

Para rematar a xornada, invitáronnos a realizar unha pequena ruta de senderismo ata a praia do Vilar.

A pasada semana deu comezo unha vez máis como cada mes de xaneiro a Liga da Paz.

Os partidos celebráronse nos recreos de Primaria e Secundaria. Teñen tanto valor os goles coma o bo comportamento no campo, xa que tentamos facer deporte e ao mesmo tempo dar exemplo de xogo limpo. Esta é unha das actividades que xenera máis expectación porque todos queremos gañar!

Aquí quedan os resultados:

Campións Liga  en Primaria: 5º E.P.

Campións Liga Masculina en Secundaria: 3º ESO

Campionas Liga Feminina en Secundaria: 3º ESO

Todos os anos, o 30 de xaneiro, dámonos cita para concienciar aos nosos alumn@s da importancia de vivir nun mundo sen violencia.

As nosas aulas están cheas de futuras promesas pola paz. Onde o respecto e o diálogo serán os piares da sociedade futura.

Na   celebración todos cantamos unha das cancións máis emblemáticas dos 60´s «Blowing in the wind». Logo lemos o manifesto de cada etapa.

A continuación entregáronse os diplomas dos gañadores da «Liga da Paz» e

premiouse ao alumn@ máis conciliador de cada clase.

Rematamos a tarde coa solta de pombas por parte dos rapaces que chegaron este ano ao colexio. Foi un día ben especial!

Despois de ler e traballar o libro de Marcos Calveiro «O carteiro de Bagdad», os rapaces e rapazas de 5º de Primaria tivemos a oportunidade de coñecer ó autor desta obra. Explicounos a situación da guerra en Irak, o porqué do libro e respondeu a moitas preguntas e inquedanzas nosas. Pasámolo xenial!

O noso Belén recibiu o 1º premio no IV certame de Beléns organizado pola Revista Diocesana » Barca de Santiago». Foi creado por Sor Francisca Varela e gañou na categoría de Colexios.

                                                                                                                                                                                                            O premio foi entregado polo Arcebispo D. Julián Barrio na Eucaristía da Familia celebrada o 28 de decembro na Catedral de Santiago. Alí estivo para recollelo a nosa Orientadora Lily Rama.

Aquí tendes o enlace á web da revista:

http://revistadiocesana.blogspot.com.es/2014/12/ganadores-del-iv-certamen-de-belenes.html

… e os alumnos de Infantil disfrutamos destas festas  participando con moita ilusión no noso colexio na decoración navideña, no concurso de postais, no festival e , o máis importante nestas datas, sendo solidarios cos que máis o necesitan.

Na tarde de onte foron seleccionadas as postais de Nadal premiadas no  concurso que cada ano nestas datas propoñemos desde o centro. O xurado valorou a súa creatividade, orixinalidade e motivo relixioso. Podedes velas no corredor de Primaria, moi preto do noso Belén.

Noraboa aos nosos artistas!!!

Maeve Rey E.I.

  Anxo Orellán 2º E.P.

Uxía Casais  3º E.P.

Uxía Cánibe 5º E.P.

Carla Vizcaya 2º ESO

Sergio Vila 3º ESO