CPR PLURILINGÜE LA MILAGROSA-JOSEFA SOBRIDO

O xoves os nenos e nenas de 4º de Educación Infantil preparamos as nosas mochilas dun xeito especial; nelas metemos: ilusións, nervios, emocións… pois agardábanos unha xornada cargada de aventuras! xa que realizamos a nosa primeira saída á contorna. Ao longo da mañá puidemos desfrutar da compañía do grupo de iguais e das mestras, gozamos da animación de “Troskita”, merendamos ao aire libre, realizamos unha viaxe en tren, rimos, xogamos e cantamos. 

            Unha vivencia que, de seguro, gardaremos con mimo no noso peto de experiencias.

Os alumnos de 4º de infantil disfrutaron do bo tempo nas últimas clases de inglés onde xogamos,cantamos … colaborando con nòs a auxiliar de conversa.

Rematou un curso cheo de creatividade e entusiasmo por parte da mestra que compartiu cos seus alumnos ,traballando en diferentes espazos e materiais ; e sobre todo potenciando a creatividade de todos eles.

O alumnado de 5º de primaria a 4º da ESO participaron  en dúas sesións  nunha charla a cargo da policía nacional de Ribeira para previr sobre os perigos e riscos cos que se poden atopar  viaxando polas redes e as súas consecuencias  legais.

Os alumnos/as de 6ºde EI realizaron un proxecto  interdisciplinar para aprender as fases da Lúa . 

Traballaron de forma lúdica e entusiasmados cos materiais.

¡Silencio na sala, que comeza a función…!

Esta semana, os alumnos de 3º da E.S.O., convertidos nunha pequena orquestra; deron o seu primeiro concerto para un público moi especial, o alumnado de Educación Infantil.

Os máis maiores, estaban cheos de nervios por mor da estrea, e os segundos; emocionados polo espectáculo que ían vivir. A actuación resultou tan sorprendente para os máis pequenos, que non deixaban de pedir “Outra, outra…”

Pero a sorpresa non rematou aí… A ledicia dos de Infantil foi a máis cando se lles desvelou, que ao remate da mesma, os compañeiros máis veteranos íbanlles a ensinar a tocar. Os rostros dos rapaces de 3, 4 e 5 anos demostraban a sorpresa e a felicidade polo momento que estaban vivindo. Pero sobre todo, a conexión entre maiores e pequenos, foi máxica.

Toda la comunidad educativa acompañamos el dolor de la familia García Cánive pidiendo el consuelo y la fortaleza que en estos momentos necesita.

» Ya no habrá muerte ni llanto, ni lamento ni dolor, porque las primeras cosas han dejado de existir«.

                                                                                                              Apocalipsis 21, 4-5 a

Co comezo do mes de xuño, e tras un longo período sen poder desfrutar deste tipo de actividades, damos por iniciada oficialmente a tempada de excursións.

Este mércores, día 1 de xuño, os alumnos de 5º e 6º realizamos unha visita ao CIELGA (Centro de Interpretación dos Ecosistemas Litorais de Galicia). Coa axuda das monitoras do Complexo Dunar, puidemos coñecer de primeira man os diferentes hábitats e a riqueza ecolóxica que este Parque Natural esconde.

A través da visita ao Museo, o visionado dun vídeo e unha ruta ao longo das pasarelas que se estenden polos diferentes hábitats, coñecemos un pouco máis sobre a fauna e flora predominante.

Aínda que a chuvia ameazaba con facer acto de presenza, puidemos desfrutar dunha mañá de convivencia cos compañeiros que dende había tempo, xa botábamos en falta.

Os alumnos de primeiro de primaria  fixeron as súas hipóteses sobre a flotación  e puideron comprobar os obxectos que flotan na auga e os que non.

 O pasado 17 de maio celebrouse o día das letras galegas, este ano dedicadas ao escritor Florencio Delgado Gurriarán.

O noso alumnado agasallounos con uns fermosos e reflexivos traballos nos que afondaron na figura do autor e na importancia do día.

Boa mostra disto son os “minibooks” elaborados por 1º e 2º de Primaria, as biografías de 4º, os “flipbooks” de 5º, as exposicións creativas en cartolina de 6º ou as magnificas presentacións nas que o alumnado da ESO amosou o dominio no emprego de ferramentas dixitais como recurso expositivo.