CPR PLURILINGÜE LA MILAGROSA-JOSEFA SOBRIDO

Ligazón ao blog de Pastoral

Os alumnos de primeiro de primaria experimentaron coa ciencia dun xeito divertido traballando a psicomotricidade fina e as diferentes texturas  elaborando moco de gorila , unha pasta sensorial para favorecer a creatividade.

O pasado día 23 de novembro o noso alumnado tivo a primeira xornada de deporte escolar no polideportivo municipal de A Fieiteira, onde desfrutaron de diferentes deportes xunto cos compañeiros e compañeiras do colexio Bayón. Un día máis, todos o pasaron en grande compartindo unha xornada de actividade física realizando diferentes deportes de equipo.

Unha tarde de outono para recordar.
Dende EI ata a ESO disfrutamos dunha tarde de convivencia, onde os xogos fixeron o disfrute dos alumnos  e a degustación das castañas encheron os nosos bandullos.

Os alumnos de 3ºda ESO participaron no obradorio de convivencia, diálogo e debate en materia de igualde e diversidade de xénero , impartido por dous membros da asociaciòn ALAS de A Coruña.

Pintado con cores laranxas, amarelas, vermellas, verdes e marróns chegou o outono. Os nenos e nenas de infantil descubrimos a nova estación coas súas peculiaridades. Paseamos pola horta do centro para identificar os cambios na contorna, que sorte a nosa!, creamos na aula o noso propio recanto do outono coa colaboración das familias, as cales sempre se amosan predispostas a participar, degustamos froitos típicos desta época e ata debullamos millo! Agardamos desfrutar de todo aquelo que o outono nos poida brindar!

Os nenos e nenas de Educación Infantil achegámonos a unha das festas populares do outono: o Samaín. Desfrutamos descubrindo algunha das súas características e deixamos voar a nosa imaxinación coa elaboración de pezas relacionadas coa festividade que resultaron do máis terroríficas!

Un grupo de profesores participa no taller sobre “Diversidade” organizado polo CIM e o IMER

Os alumnos de 2º de primaria fixeron as súas pesquisas e hipóteses para realizar un pequeno proxecto que nos axuda a ver o movemento da Terra arredor do Sol e da Lúa arredor da Terra.

E un ano máis chegou o Samaín, así que puxémonos mans á obra e esta semana, o alumnado de 1º de EP preparou unhas fermosas cabazas de papel, 2º , 3º e 4º de EP uns farolillos, e 5º e 6º EP decoramos con motivos terroríficos unas láminas con xices. 5º e 6º de EP e tamén a ESO participamos na actividade de escritura creativa: “Micropesadelos”. Contamos pequenas historias, contos e lendas que meten medo! Redactamos, pintamos e decoramos así de terrorífico o noso corredor, adicado  a esta festa tradicional.

Que pasedes un feliz Samaín!