CPR PLURILINGÜE LA MILAGROSA-JOSEFA SOBRIDO

O luns 23 de Febreiro empezamos a semana dun xeito moi emocionante! Agardabamos unha visita especial para todos os rapaces e rapazas de 1º e 2º de Primaria. Tivemos a gran sorte de poder escoitar e falar co autor dun dos libros que lemos este ano: El niño Gol.

O autor,Ramón García non ven só, trouxo ao seu axudante durante todos estes anos: Lapicerón. Entre os dous fixéronos pasar unha maña moi divertida onde charlamos e nos contaron contos.

Grazas por vir a visitarnos e por un momento ameno tanto para pequenos coma para maiores!

Dentro das actividades do Plan Lector deste curso, recibimos a visita do autor do libro «Los zorros del norte», Ricardo Gómez.

Pasamos unha máñá moi divertida pois falounos da inspiración para escribir esta obra, e de como comezou a ler pola afección  que lle transmitiu o seu avó, que lle contaba contos de pequeno.

Para rematar puidemos facerlle unha morea de preguntas e asinounos os libros.

O tempo que pasamos con el non nos chegou a nada!!!

O vindeiro xoves 26 ás 15:00 horas, terá lugar no salón de actos do colexio unha charla dirixida a todas as familias, coa seguinte temática: Nutrición y calidad.

Hoxe é o día de Rosalía. Desde o 2º ciclo da ESO queremos formar parte da homenaxe á nosa poeta universal. A raíz da proposta da Asociación de Escritores en Lingua Galega elaboramos o seguinte traballo.

A todos e todas Feliz Día de Rosalía!!!

 Na mañá de onte, os alumnos e alumnas da ESO realizamos unha sesión de animación á lectura. Foi programada dentro das actividades do Plan Lector deste curso, despois de ler os libros seleccionados. Foi moi interesante e divertido, polo que agardamos volvelo a  repetir.

0s nenos de Infantil tamén celebramos o Dia da Paz participando nas distintas actividades programadas no colexio.

Ademais fixémolo coincidir co Día do Xoguete, aprendendo a compartir cos nosos compañeiros os xoguetes que trouxemos da casa. Foi  unha xornada moi enriquecedora.

O día 2 de Febreiro, o curso de 4º de Educación Primaria fomos invitados a asistir a unha xornada cultural no CIELGA (Centro de Interpretación dos Ecosistemas dos Litorais de Galicia) co gallo da conmemoración do Día Mundial dos Humedais.

No mesmo centro asistimos a unha charla didáctica sobre a importancia dos humedais e aprendemos a recoñecer os diferentes tipos de especies de fauna e flora dos nosos litorais. A continuación ensináronnos tamén  distintos tipos de pegadas, cunchas,…. así coma aparellos de pesca de antano ata os nosos días.

Para rematar a xornada, invitáronnos a realizar unha pequena ruta de senderismo ata a praia do Vilar.

A pasada semana deu comezo unha vez máis como cada mes de xaneiro a Liga da Paz.

Os partidos celebráronse nos recreos de Primaria e Secundaria. Teñen tanto valor os goles coma o bo comportamento no campo, xa que tentamos facer deporte e ao mesmo tempo dar exemplo de xogo limpo. Esta é unha das actividades que xenera máis expectación porque todos queremos gañar!

Aquí quedan os resultados:

Campións Liga  en Primaria: 5º E.P.

Campións Liga Masculina en Secundaria: 3º ESO

Campionas Liga Feminina en Secundaria: 3º ESO

Todos os anos, o 30 de xaneiro, dámonos cita para concienciar aos nosos alumn@s da importancia de vivir nun mundo sen violencia.

As nosas aulas están cheas de futuras promesas pola paz. Onde o respecto e o diálogo serán os piares da sociedade futura.

Na   celebración todos cantamos unha das cancións máis emblemáticas dos 60´s «Blowing in the wind». Logo lemos o manifesto de cada etapa.

A continuación entregáronse os diplomas dos gañadores da «Liga da Paz» e

premiouse ao alumn@ máis conciliador de cada clase.

Rematamos a tarde coa solta de pombas por parte dos rapaces que chegaron este ano ao colexio. Foi un día ben especial!

Despois de ler e traballar o libro de Marcos Calveiro «O carteiro de Bagdad», os rapaces e rapazas de 5º de Primaria tivemos a oportunidade de coñecer ó autor desta obra. Explicounos a situación da guerra en Irak, o porqué do libro e respondeu a moitas preguntas e inquedanzas nosas. Pasámolo xenial!