Noticias

O alumnado de 1° e 2° da ESO, un ano máis, puideron disfrutar da visualización dunha obra de teatro en inglés no Palacio de Congresos en Santiago de Compostela.

Finalizaron a saída cultural coa visita guiada ao museo das Minas de San Finx onde puideron poñer en práctica aspectos aprendidos ao longo do curso.

Ilusión, respecto, bicos, humildade, diálogo, empatía, perdón… Son algúns dos ingredientes da receita para conseguir a paz que, simbolicamente, os alumnos do Colexio compartían no día do 30 de xaneiro: o día Escolar da Non Violencia e a Paz. Un día cargado de simbolismo e que serviu como colofón final ao traballo que dende había semanas se estaba levando a cabo coas titorías, amosando a importancia da Paz.  Un tempo de preparación para esta xornada que serviu para captar a mensaxe de non violencia e coñecer de cerca o gran valor e o significado da palabra PAZ.

No acto  de cada etapa,  unha cociñeira mesturaba e remexía os ingredientes, que cada un dos alumnos poñían na pota. Para logo cociñalos a lume lento  no  forno do corazón, onde saiu un irresistible biscoito da Paz .O acto incluíu tamén a lectura dun manifesto e a interpretación dunha canción por parte de alumnos e profesorado: «RECEITA DE PAZ» ou «SOMOS» dependendo da Etapa.

 Así mesmo tamén se entregaron os diplomas aos campións e subampións  da Liga da Paz dos ciclos da Primaria e da ESO.

    Os profesores e PAS do colexio recibimos un curso sobre a reanimación cardiopulmonar para que poidamos actuar de forma eficaz ante un problema ou accidente. Por iso é tan importante saber que facer, antes da chegada da ambulancia.

        O pasado martes 22, o equipo docente xunto as PAS do colexio, fomos formados en técnicas de reanimación por fallo cardiopulmonar pola doutora do servizo de urxencias  do Hospital do Barbanza:Pilar Teijeiro.

  O curso empezou cun PowerPoint  coa información teórica de cómo se debe  identificar e reanimar, para seguir coa parte onde máis se aprende, a práctica. Consiste en facer a reanimación a un boneco coa axuda de mascarillas.

        O fallo cardiopulmonar, é unha afección que pode producirse a calquera idade, e desta forma, os  nosos docentes poderán dispoñer de coñecementos básicos na reanimación ata que chegue o persoal médico especializado, podendo así salvar a vida do alumno.

O pasado día 25 de xaneiro tivo lugar a fase intercomarcal da carreira de campo a través, en Porto do Son. Alí o noso cole tivo unha formidable representación da man de Marta Muñiz, alumna de 3º de primaria e María Muñiz e Telmo Reino de 5º de primaria. Os tres lograron unha moi boa marca, chegando incluso Marta a clasificarse para o campionato provincial en Noia. Darlle a noraboa tanto ós nosos alumnos coma ó resto de participantes por desfrutar dunha xornada de deporte ó aire libre e cun moi bo ambiente.

Os alumnos de 5º e 6º de EP visitaron Santiago para disfrutar dun día cheo de actividades.
Asistiron á obra de teatro en inglés para mellorar a súa escoita e comprensión nesta lingua.

Visitaron a catedral e o casco histórico da cidade.

Traballaron en cooperativo para adentrarnos no Museo do Pobo Galego e coñecer as nosas raíces e a figura de Antón Fraguas, a quen este ano estará adicado o Día das Letras Galegas.

O pasado día 16 de xaneiro o noso alumnado tivo a primeira xornada de deporte escolar no polideportivo municipal de A Fieiteira, onde desfrutaron de diferentes deportes xuntos cos compañeiros e compañeiras do colexio Bayón. Un día máis, todos o pasaron en grande compartindo unha xornada de actividade física, que serviu tamén para coñecer a nenos e nenas do colexio Bayón, así como promover os valores do deporte como respecto, igualdade e compañeirismo.