Outono narrativo
Nesta época do ano facemos camiñar as nosas letras polos vieiros da imaxinación. Fixemos varias creacións das que nos sentimos moi orgullosos e quixemos compartirlas cos máis pequenos.
Títulos coma: “ Pingas de choiva e un cogomelo”
“ A mazá e o marmelo”
“ O vento e tres follas secas”
Cibermáticos
Dende hai unhas semanas comezamos o taller de informática para os máis pequenos do colexio: “Cibermáticos” ,onde pretendemos que os nosos alumnos vexan os ordenadores como unha ferramenta de aprendizaxe e non só de entremento.Ademais queremos que desenrolen a súa competencia dixital dentro das Tic´s,que é tan precisa nesta sociedade da información na que vivimos.
S.O.S. SAHARA
 A vindeira semana imos poñer en marcha unha campaña de axuda de emerxencia en favor dos campamentos de refuxiados saharauís. Recentementente a raíz das chuvias torrenciais que caeron sobre a zona, producíronse unhas inundacións que agravan aínda máis a difícil situación na que se atopan no exilio do deserto, pois perderon as escasas pertenzas que tiñan. Os titores xa comezaron coa sensibilización do alumnado transmitíndolles a información da campaña. O vindeiro martes continuaremos con encontros e charlas cunha mestra do noso centro, que viaxará en decembro aos campos de refuxiados. Os rapaces recibirán unha tarxeta co seu nome para colocar logo nun mural. A recadación ingresarase nunha conta aberta pola SOGAPS (Solidariedade Galega co Pobo Saharauí) a este efecto, para ser transferida á Media Luna Roja Saharaui.
Agradecemos toda a súa colaboración.
|
Días non lectivos
Lembramos que o vindeiro 30 de outubro (día do ensino) e o 2 de novembro, non serán lectivos.
Cabeza de Cabaza
Estamos no Samaín, e os alumnos e alumnas de 4º de ESO quixemos preparar unha sorpresa para os máis pequenos. Unha sorpresa que mete medo!!!
Decidimos ler e dramatizar «Cabeza de Cabaza» de Frank L. Baum nunha adaptación preparada pola nosa mestra de galego. Todos e todas participamos dalgún xeito, como narradores, actores e actrices, extras, técnicos de son e animación…en fin… o resultado non puido ser mellor e os pequenos de Infantil e 1º e 2º ciclo de Primaria quedaron encantados…do susto!
Aquí vos deixamos unha mostra do que foi a mañá de onte.
Cociñando no Samaín
Coa chegada do Samaín , dende o taller de Creative Cuisene quixemos adicarlle esta semana as nosas receitas a esta ancestral celebración. @s cociñeir@s do primeiro ciclo fixeron unhas receitas máis doces e os chefs do segundo ciclo decantáronse por algo máis salgado. Aquí tedes unha pequena mostra dos seus pratos.
Investigación e farmacia
A semana pasada os rapaces da ESO participamos nun traballo de investigación chamado «Medida de presión arterial en adolescentes: educación sobre factores de riesgo cardiovasculares» coa «Sociedad Española de Farmacéuticos Comunitarios» (SEFAC).
Ademais do valor da presión arterial en adolescentes, para facer o estudo anotaron o sexo, idade, peso e talla dos participantes e pasaron unha pequeña enquisa sobre os hábitos de alimentación e actividade física ademais de darnos un consellos sobre hábitos de vida saudable.
O obxectivo desta investigación é contribuir á mellora da educación para a saúde dos adolescentes no ámbito do sobrepeso e o risco cardiovascular.
Foi algo diferente xa que á maioría de nós nunca nos tomaran a tensión.
Rumbo ás Indias
Fai uns días, e con motivo do aniversario do Descubrimento de América, os alumn@s de 4º de Primaria demos comezo a un novo proxecto que pretende axudarnos a coñecer a figura de Cristóbal Colón.
Dende os seus inicios como comerciante, pasando pola decisión de emprender un viaxe ás Indias pola ruta do oeste, ata o seu encontro cos Reis Católicos… Serán puntos clave no noso Libro de Colón que finalizará no mes de xuño.
Nestas primeiras sesións, presentamos a figura de Colón e a dos Reis Católicos, personaxes clave nesta hisotira; e comezamos a deseñar a ruta de viaxe.
Boa travesía, navegantes!
Ciencia e muller
“A Señora Anxos Alvariño. Oceanógrafa mundial”
Hoxe o Centro de Información á Muller do Concello de Ribeira puxo en marcha un programa de coeducación ao cal asistimos os nenos e as nenas de 2º de primaria.
Consistíu nun contacontos e obradoiro de debuxo que xiraba arredor da científica galega, Anxos Alvariño, figura da oceanografía mundial, descubridora de especies e muller pioneira no mundo da ciencia e da investigación.
O obxectivo desta xornada era divulgar e poñer en valor aspectos da vida e obra desta científica galega, dende un punto de vista lúdico e apto para todos os públicos. Desenvolver a comprensión oral en galego das nenas e dos nenos na parte da narración oral e na posta en común, así como potenciar a creatividade artística e tamén a autoestima e personalidade na parte do obradoiro.
