CPR PLURILINGÜE LA MILAGROSA-JOSEFA SOBRIDO

Achegámoslles os horarios dos distintos festivais, así como o da Eucaristía da familia, que se vai celebrar o vindeiro venres 18 ás 18:00 horas na capela do Colexio. Por suposto, quedan convidados.

Para non ter problemas de aforo, o festival realizarase en dúas datas:

O xoves  17 de decembro, ás 15:30

PRIMARIA (3º, 4º, 5º e 6º) teatro + coro + coreografía

O venres 18 de decembro, ás 16:00

1. INFANTIL , 1º,2º de PRIMARIA

Aquelas familias que ao rematar o festival do venres, queiran levar aos fillos, deben recollelos nas aulas correspondentes e avisar ás respectivas titoras. Coma sempre, agardamos a súa colaboración.

Levamos doce anos participando na carreira “ Kilómetros de solidariedade ,“ colaborando coa O.N.G. Save The Children para facerlle a vida máis doada aos nen@s que sufren .

Este ano corremos para loitar contra a desnutrición infantil cando no noso país se estraga o 25% do que consumimos.

Dende o centro queremos agradecerlle a toda a comunidade educativa a súa participación e apoio nestes temas , xa que sen o voso apoio isto non sería posible.

Lembrámoslles que o vindeiro luns 7 de decembro e tamen o 16 de maio de 2016 , non serán lectivos, por ser os días solicitados polo Centro no comezo do curso, e autorizados pola Consellería, tal como recolle o calendario escolar do curso 2015-16.

Un centro educativo actual, comprometido e inmerso na realidade social, debe orientar parte do seu labor educativo á construción dunha sociedade máis xusta.

Este ano, como xa é costume, queremos animarvos a todos a participar en dous proxectos solidarios:

A Flor de Pascua:  mercando una planta aportas a túa axuda a Cáritas. (Sor Rosario leva esta campaña).

A recollida de alimentos:  poderase traer comida no perecedeira como lentellas, arroz, pasta, latas de conservas…para compartir estes alimentos coa xente que máis o necesita.

O periodo  de  recollida de alimentos, coa colaboración de «profesores, alumnos e pais», será desde o 1 de decembro ata o 18 do mesmo mes, desde as nove e media  da mañá ata as  18:00 horas.

Moitas grazas a todos por participar.

El día de Acción de Gracias es una fiesta que nos recuerda la fiesta de la cosecha, donde la gente daba gracias a Dios por tener comida para pasar el invierno. En el taller de Creative Cuisine quisimos hacer un homenaje a esta celebración anglosajona  que se celebra cada último jueves del mes de noviembre, presentando el ingrediente básico de toda receta de Acción de Gracias de una manera diferente: el pavo.

O pasado venres tivo lugar no noso centro unha xornada moi especial. Con motivo da celebración do Día da Música, pais, mestres, alumnos e exalumnos, subiron ao escenario para facernos disfrutar cunha velada chea de aprendizaxe, sentimento e diversión.

Os nosos rapaces foron espectadores e protagonistas dunha sesión chea de sorpresas, onde algúns deles puideron demostrar as súas habilidades con instrumentos como a gaita, o trombón ou o saxo.

A tarde rematou cos nosos alumnos de 5º, 6º e Secundaria entoando o famoso tema de Alejandro Sanz “La música no se toca”, deixando ben presente que “Cando as verbas erran, a música fala”.

Moitas grazas a todos os que aportáchedes o voso gran de area para colaborar nesta tarefa.

Con motivo da festividade de San Martiño celebramos o tradicional magosto na horta do noso cole. Durante a tarde participamos en diferentes xogos, asamos e comemos castañas disfrutando dos nosos compañeiros nunha tarde soleada. Que boas estaban!

Os nenos de infantil luciron sorrintes as manualidades que eles mesmos elaboraron na semana previa.

Presentamos Party Crats, unha actividade nova na que xa se empezan a ver os resultados. Nela os nosos alumnos e alumnas desenrolan a creatividade, creando coas súas mans.

Traballar con goma eva e co ganchillo é moi divertido!

Moitísimas grazas a todos os que colaborastes na campaña de axuda ao pobo saharauí tralas recentes inundacións nos campos de refuxiados.

Á comunidade educativa, mestres e alumnos,  parabéns pola celeridade en atender esta chamada de urxencia. A Media Luna Saharaui xa ten ao seu dispor a colaboración do colexio A Milagrosa, e continúa no seu labor de asistencia á poboación afectada. En nome de SOGAPS (Solidariedade Galega co Pobo Saharauí) e de todo o pobo saharauí: SHUKRAN!

Tras un mes de clases, o esforzo e traballo dos nosos rapaces e rapazas comeza a dar o seu froito. A través de dúas vías: a da linguaxe musical e a dos acordes, os nos@s alumn@s van adquirindo novas destrezas no dominio deste instrumento.