Entre todos elaboramos unha pirámide alimenticia e aprendemos da importancia da auga na nosa dieta . Do aconsellable que é ter unha alimentación saudable e equilibrada respectando a inxesta de cada grupo de alimentos .
PEQUENOS CIENTÍFICOS
Aproveitando a Semana da Ciencia, os alumnos de 3º e 4º de Primaria, desprazámonos ata a Coruña, a cidade de cristal.
Alí, vímonos rodeados de cultura polos catro costados, e puidemos disfrutar de dous dos seus principais museos: O MUNCYT e a Domus.
Durante a mañá, visitamos o Museo Nacional de Ciencia e Tecnoloxía. Coa axuda dos nosos guías, levamos a cabo un experimento que nos axudou a valorar a importancia da auga potable. Durante a nosa estancia, tamén puidemos coñecer os famosos robots do museo, Pepe Xan e Mari Luz; e viaxar a bordo do BOEING 747 encargado de traer o Guernica a España.
Tras o xantar, desprazámonos ata a Domus, onde puidemos manipular diferentes maquetas e asistir a unha representación en 3D da película “Pequenas criaturas”.
Foi un día de gran proveito!
Carreira solidaria Save the children
Como cada ano o 20 de novembro recordamos o Día dos Dereitos do Neno colaborando coa ONG Save the Children.
Este ano sensibilizámonos coa importancia que ten a auga nas nosas vidas e da que moitos carecen.
Participando na carreira escolar Quilómetros de Solidariedade queremos axudar a que milleiros de cativos e cativas teñan acceso á auga potábel, a unha alimentación axeitada e a unha educación.
Cunha aportación de 4 euros un rapaz recibe material para seguir estudando, con 7 euros, ten auga potábel nunha escola durante un mes e con 17 euros un neno come no colexio durante un mes.
Tod@s os alumn@s do colexio convertémonos en gotas de auga e, gota a gota logramos levar un pouco de alegría e axuda a aqueles rapaces que máis o necesitan.
Grazas a tod@s por colaborar.
Festa do Magosto
Coa chegada do outono a castaña convértese na protagonista das nosas actividades escolares,xunto con outros froitos desta época.
O mércores o magosto converteuse na actividade estrela , onde os alumn@s de Infantil e Primaria degustamos unhas deliciosas castañas na horta do colexio disfrutando dunha tarde espectacular en compañía dos nosos compañeiros e mestres.
PROXECTO ESTADOS UNIDOS: ELECTION DAY
Durante estes últimos días, os alumnos de 1º de E.S.O. demos comezo ao noso proxecto sobre Estados Unidos. Dende a área de Xeografía e Historia, traballamos en pequenos grupos o funcionamento do sistema electoral e coñecemos o programa de goberno dos principais partidos: Demócratas e Republicanos.
Tras este primeiro achegamento, analizamos os pros e os contras de cada un dos candidatos. Os rapaces presentaron as súas opinións e sinalaron con que tendencia se sentían máis identificados.
Como peche da actividade, cubrimos o noso documento de cidadáns americanos e depositamos o noso voto.
Quen será o próximo residente da Casa Branca?
CALENDARIO ELECCIÓNS CONSELLO ESCOLAR
A xunta electoral, en reunión celebrada o pasado 4 de novembro, fixou o seguinte calendario para o proceso de renovación do Consello Escolar:
Samaín
Os nenos de Infantil disfrutaron ó longo da semana dunha clase decorada de cabazas, cada cal máis artística, feitas coa axuda das familias, e na clase.
Foi unha semana divertida cargada de creatividade.
Anuncio sorteo Xunta Electoral
CONSTITUCIÓN DA XUNTA ELECTORAL
De conformidade co establecido na Resolución do 26 de setembro do 2016 da Dirección Xeral de Educación, Formación Profesional e Innovación Educativa e da Dirección Xeral de Recursos Humanos (DOG do 4 de outubro), realizarase próximamente neste centro a renovación parcial do CONSELLO ESCOLAR que é o instrumento de participación na vida escolar de tódolos sectores educativos do Colexio.
A organización e a supervisión do prodedemento de elección dos novos membros do consello Escolar estará a cargo da Xunta Electoral que se constituirá ao efecto o día 4 de novembro ás 15:00 horas, e integrada por:
– O Director ou directora do Centro
– Un representante da titularidade
– Un profesor ou profesora
– Un pai ou nai ou titor legal.
– Un alumno da ESO
– Un representante do PAS.
Os tres últimos serán designados por sorteo segundo establece a Orde do 28 de agosto de 1996 (DOG 26/9/1996), art. 7º. Dito sorteo, que será público e no que se preverá a designación de membros suplentes, celebrarase neste Centro o próximo día 3, xoves ás 11:15 horas.
Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instruccións que figurarán nas distintas convocatorias que próximamente se farán públicas pola Xunta Electoral do Centro.
Días non lectivos
Lembramos que o vindeiro 31 de outubro (día do ensino) e o 1 de novembro, non serán lectivos.
Traballamos xuntos
En Proxecto Lingüístico traballamos en cooperativo:
lectura compartida, traballo por parellas, busca de información…
para chegar todos á mesma meta.