Os alumnos de 6º EP asisten a un concerto no Auditorio de Ribeira con motivo do Día das Letras Galegas .
Os alumnos participaron nun certame na modalidade de poesía, no cal foi premiada Alexandra Mariño. Noraboa!
VIAXE A LONDRES
Os compañeiros de 3º e 4º da ESO puxeron rumbo a Londres hoxe pola tarde. Acompañados por tres profesores ían cargados de ilusión e con gañas de coñecer e disfrutar da cidade londinense.
Boa viaxe.
A festa das Letras Galegas
Co motivo da festividade do día das Letras Galegas @s nos@s alumn@s adentráronse na vida e obra de Carlos Casares simulando unha clase.
Comezaron cunha pandereitada a cargo dos rapaces de 2º e 3º de E.P. e rematou cunha mostra de regueifas levadas a cabo pol@s alumn@s de 6º de E.P.
SORTEO TV HD 32″
O número premiado no sorteo do TV, celebrado o día 11 de maio, é o seguinte: 02129
400 ANOS CARISMA VICENCIANO
Este ano toda a comunidade educativa estamos de celebración! Pais, nais, alumnos profesores, irmás, persoal non docente, exalumnos… e todos os que formamos a familia vicenciana festexaremos o 400 aniversario do carisma vicenciano. Un carisma que deixou e segue deixando pegadas moi profundas do amor incondicional de Xesús aos necesitados a través de San Vicente ao longo destes 400 anos.
Con motivo desta gran celebración, invitámosvos a unha convivencia-Día Vicenciano no no noso colexio, o 27 de maio.
O horario será de 11:00 a 18:00h e realizaranse diversas actividades:
-
Pola mañá haberá animacións, talleres creativos e Celebración Eucarística…
-
A mediodía picnic na horta do colexio.
-
Pola tarde xogos en familia, ginkana…
-
Remataremos… cunha chocolatada!
Avisos importantes:
-
Cada un traerá a súa comida. Haberá posto de bebida, salados…
-
As alumnos/as de Educación Infantil e E. Primaria, deben ir acompañados por un familiar adulto.
O primeiro en lembrarse desta data tan sinalada para nós e así facelo público foi o Papa Francisco. Agasallando a toda a familia vicenciana coa indulxencia plenaria.
Día de Guinea Ecuatorial
Con motivo do día de Guinea Ecuatorial (18 de abril) tivemos unha celebración para os alumnos de 6º de Educación Primaria e toda a Educación Secundaria. Os nenos e as nenas de 1º da Educación Primaria puxemos o noso granciño de area e expuxémoslles aos compañeiros todas as cousiñas que aprendemos durante a elaboración do proxecto (explicación da bandeira, comida típica, escultores, flora, fauna, vivenda, costumes…) e como broche final representamos unha pequena obra de teatro.
ROBÓTICA NA FEIRA DA EDUCACIÓN
Alumnos de 3º e 4º da ESO asistiron ao taller de robótica na feira da educación (We Robots). Nunha primeira parte viron unha breve introdución á programación mediante bloques usando Scratch.
Na segunda parte programaron un coche para que obedecera as ordes asignadas coas flechas do teclado do ordenador. Usaron o programa Fritzing para proxectos baseados en Arduino.
SELFIE COS FRIENDS
SHOW COOKING NA FEIRA DA EDUCACIÓN
A profesora Tamara, que xunto coa profesora Olalla, imparte durante todo o ano Cociña Creativa no cole para rapaces de primeiro a cuarto de educación primaria, propuxo un taller de cociña para a Feira da Educación de Ribeira.
Tamara xunto coas súas colaboradoras habituais, Andrea e Lydia, explicáronlles aos nen@s de primeiro e segundo do colexio de Carreira como se facía unha pizza de frutas sen usar o forno. Pasaron unha hora moi agradable e levaron que contar para a casa.
QUICO CADAVAL
Os rapaces da ESO tivemos a sorte de escoitar en directo a un artista da nosa terra: QUICO CADAVAL. Empezou falándonos dos contos de sempre para logo mergullarnos nas lendas de Ribeira.
Grazas Quico, pasamos unha hora moi entrañable na túa compaña.