CPR PLURILINGÜE LA MILAGROSA-JOSEFA SOBRIDO

A programación das reunións das familias coas titoras na vindeira semana é a seguinte:
LUNS 6 OUTUBRO:        5º E 6º DE ED. PRIMARIA HORA: 18:00
MARTES 7 OUTUBRO:  ED. INFANTIL HORA: 19:30
MÉRCORES 8 OUTUBRO: 3º, 4º DE ED. PRIMARIA HORA: 18:00
1º, 2º ESO HORA: 18:30
3º, 4º ESO HORA: 19:00
XOVES 9 OUTUBRO:      1º, 2º DE ED. PRIMARIA HORA: 18:00

PLATAFORMA EDUCATIVA

Como xa adiantáramos no mes de maio, neste curso 2014-15 poñeremos en funcionamento as comunicacións avanzadas CENTRO-FAMILIAS  a través da plataforma educativa EDUCAMOS.

É un servizo educativo voluntario, pero durante este primeiro trimestre poñerémolo en funcionamento de forma gratuita para todas as familias.

No mes de xaneiro  cargaremos na conta o importe establecido ( 20€/curso) a aquelas familias  que xa o solicitaran no seu momento e tamen ás que demanden este servizo e non o fixeran antes.

Para poñen en funcionamento este servizo precisaremos os e-mails de tódolos pais-nais para poder enviar os datos de acceso. Todo este proceso realizarase no mes de outubro.

AUXILIAR DE CONVERSA NATIVO

Neste mes de outubro vai a comezar a traballar no centro un auxiliar de conversa que acompañará ao profesor titular de lingua estranxeira nunha sesión semanal en tódos os cursos do centro. Nos cursos nos que o Coñecemento do medio se imparte en inglés ( Science) tamen estará presente nesa materia unha vez á semana.

Ademais, na hora extraescolar formará grupos de conversa cos alumnos de 6º de EP ata 4º ESO que soliciten esta actividade, xa que este ano a anterior auxiliar de conversa (Tracey) non estará disponible.

Este servizo supón un custo que a administración non vai sufragar, pero que aínda así consideramos que é de vital importancia. Polo tanto, é fundamental a participación das familias a través dunha aportación en forma de donativo voluntario que xa adiantáramos que sería de 25€/ano.

Confiamos que as familias colaboren con esa aportación ( os resultados da enquisa indican unha aceptación superior ao 90%) para que o centro poida cubrir os gastos deste servizo e así seguir invertindo na mellora do centro.

De forma paralela solicitaremos as axudas para a contratación de auxiliares de conversa publicadas do DOG do 1 de setembro. Se son concedidas e dependendo da cantidade subvencionada, revisaremos a cota no seu momento.

No mes de outubro  informaremos do nº de conta para que poidan realizar unha única aportación de 25€ ou de forma fraccionada mensualmente se prefiren.

Sen máis, esperamos que estes novos servizos sirvan e sexan do agrado das familias e nos axuden a mellorar a calidade educativa e  a comunicación. Seguiremos informando.

O VENRES 12 DE SETEMBRO O CENTRO PERMANECERÁ PECHADO DEBIDO Á FESTIVIDADE DE STA UXÍA (FESTIVO LOCAL)

Podedes botarlle unha ollada ao traballo feito polos rapaces e rapazas do cole no nº 2 da Revista escolar Gándara.

Á dereita, na páxina web só tendes que premer na revista 2013-2014.

E a disfrutala!

Feliz verán a tod@s!!!

O vindeiro curso 2014-2015, as clases en Ed. Infantil e Primaria escomezarán o día 10 de Setembro. Na ESO escomezarán o día 15.

Aqueles alumnos con materias pendentes da avaliación de Xuño, poderán presentarse ás probas de Setembro, que están distribuidas  na seguinte  táboa:

Informamos que o vindeiro 25 de xuño ás 19:00 horas terá lugar a reunión informativa coas familias dos alumnos de novo ingreso para formalizar matrícula para o curso 2014-15.

Aquelas familias que non poidan asistir, pódense poñer en contacto co centro para formalizar a matrícula en outro horario.

Este ano dende o concello convidouse a todos os centros do municipio a participar  nunha exposición dos proxectos realizados  ao longo de todo o curso.

O noso centro participou cun amplo abano de actividades: dende a elaboración de contos,  ata  traballos en marquetería ou papel maché.

Dende todas as materias que abrangue o currículo traballouse de  diferentes  formas para poder alcanzar os obxectivos propostos.

No apartado de convivencia  aportamos a nosa experiencia nun taller de oración e a nosa participación durante dez anos coa O.N.G Save the children.

O grupo de teatro ATALAIA  visitou o noso colexio para levar a cabo unha xornada de animación a lectura na que participaron todos os alumnos de E. Primaria e o último curso de EI.

Todas as sesións xiraron en torno á competencia social e cidadán,  partindo dos conflitos dos alumnos,  propios de cada idade. Eles  víanse reflectidos e partiparon activamente, sen esquecer un ton de humor.

Durante o mes de maio fixéronse no Colexio distintas actividades para traballar tanto o  Día do Libro como as Letras Galegas. En Infantil, unha desas actividades foi convidar os pais/nais dos nenos/as a contarnos un conto, elixidos por eles mesmos, polo que conseguiron manter a atención dos rapaces/as e, ademais, aprender.

Para rematar  o mes de Maio: “Mes de María” fixemos una procesión para visitar a Virxe de Aranzazu, na horta, onde se lle ofreceron frores, poesías e cantos.

O longo do curso os nenos/as de 6º de Infantil elaboramos na aula proxectos con temas elexidos polos rapaces/as como o dos  “cabalos” e as “bolboretas”. Partindo do que xa sabían e o que lles gustaría saber, sorprendéronse de todo o que chegaron a aprender destes animais.

EXCURSION 5º-6º INFANTIL:

Este curso os nenos/as de 5º e 6º Infantil fomos de excursión ó Grove. Alí visitamos o Acuario e fixemos un recorrido no tren turístico ata a Illa da Toxa. Foi una experiencia moi divertida e cultural.

Tres nenas de 6º Infantil –Noela, Graciela e Iria Paz- sorprenderon a todo o colexio, cando de forma espontánea, no día das Letras Galegas, actuaron en todas as aulas do centro tocando a pandeireta, cantando e bailando cancións tradicionais galegas. Estiveron marabillosas!

Viñeron as nosas familias a contarnos contos! Fíxonos tanta ilusión…

O 17   de maio foi o Día das Letras Galegas, e nós tamén o celebramos!!!

Tamén tivemos a oportunidade de compartir un obradoiro de papiroflexia a cargo de alumnos da ESO!

Fíxonos moita ilusión, facer unha ofrenda floral na capela da horta.

E que ben o pasamos na excursión ao Grove!