CPR PLURILINGÜE LA MILAGROSA-JOSEFA SOBRIDO

A pasada semana deu comezo unha vez máis como cada mes de xaneiro a Liga da Paz.

Os partidos celebráronse nos recreos de Primaria e Secundaria. Teñen tanto valor os goles coma o bo comportamento no campo, xa que tentamos facer deporte e ao mesmo tempo dar exemplo de xogo limpo. Esta é unha das actividades que xenera máis expectación porque todos queremos gañar!

Aquí quedan os resultados:

Campións Liga  en Primaria: 5º E.P.

Campións Liga Masculina en Secundaria: 3º ESO

Campionas Liga Feminina en Secundaria: 3º ESO

Todos os anos, o 30 de xaneiro, dámonos cita para concienciar aos nosos alumn@s da importancia de vivir nun mundo sen violencia.

As nosas aulas están cheas de futuras promesas pola paz. Onde o respecto e o diálogo serán os piares da sociedade futura.

Na   celebración todos cantamos unha das cancións máis emblemáticas dos 60´s «Blowing in the wind». Logo lemos o manifesto de cada etapa.

A continuación entregáronse os diplomas dos gañadores da «Liga da Paz» e

premiouse ao alumn@ máis conciliador de cada clase.

Rematamos a tarde coa solta de pombas por parte dos rapaces que chegaron este ano ao colexio. Foi un día ben especial!

Despois de ler e traballar o libro de Marcos Calveiro «O carteiro de Bagdad», os rapaces e rapazas de 5º de Primaria tivemos a oportunidade de coñecer ó autor desta obra. Explicounos a situación da guerra en Irak, o porqué do libro e respondeu a moitas preguntas e inquedanzas nosas. Pasámolo xenial!

O noso Belén recibiu o 1º premio no IV certame de Beléns organizado pola Revista Diocesana » Barca de Santiago». Foi creado por Sor Francisca Varela e gañou na categoría de Colexios.

                                                                                                                                                                                                            O premio foi entregado polo Arcebispo D. Julián Barrio na Eucaristía da Familia celebrada o 28 de decembro na Catedral de Santiago. Alí estivo para recollelo a nosa Orientadora Lily Rama.

Aquí tendes o enlace á web da revista:

http://revistadiocesana.blogspot.com.es/2014/12/ganadores-del-iv-certamen-de-belenes.html

… e os alumnos de Infantil disfrutamos destas festas  participando con moita ilusión no noso colexio na decoración navideña, no concurso de postais, no festival e , o máis importante nestas datas, sendo solidarios cos que máis o necesitan.

Na tarde de onte foron seleccionadas as postais de Nadal premiadas no  concurso que cada ano nestas datas propoñemos desde o centro. O xurado valorou a súa creatividade, orixinalidade e motivo relixioso. Podedes velas no corredor de Primaria, moi preto do noso Belén.

Noraboa aos nosos artistas!!!

Maeve Rey E.I.

  Anxo Orellán 2º E.P.

Uxía Casais  3º E.P.

Uxía Cánibe 5º E.P.

Carla Vizcaya 2º ESO

Sergio Vila 3º ESO

Achegámoslles os horarios dos distintos festivais, así como o da Eucaristía da familia, que se vai celebrar o vindeiro venres 19 ás 18:00 horas na capela do Colexio. Por suposto, quedan convidados.

Para non ter problemas de aforo, o festival realizarase en dúas datas:

1. INFANTIL , 1º,2º de PRIMARIA e teatro

O xoves día 18 de decembro, ás 15:30

PRIMARIA (3º,4º 5º e 6º) – ESO

O venres día 19 de decembro, ás 16:00

Nadal é tempo de compartir. Nesta semana estamos coa “operación quilo” para axudar aos que menos teñen nestas datas. Coma sempre, agardamos a súa colaboración.

Como cada ano, nestas datas tan especiais, poñemos a andar unha nova campaña:

OPERACIÓN KG DE SOLIDARIEDADE

Toda a comunidade escolar pode participar ata o día 19, e así colaborar con familias necesitadas da nosa zona, para que tamén elas poidan disfrutar dun bo nadal. Podedes aportar un Kg ou un litro de alimentos non perecedeiros, así como tamén os produtos típicos destas festas.

Moitísimas grazas a tod@s.

Os alum@s de 3º ciclo de E.P. visitaron Santiago  para asistir á obra de teatro “Christmas Carol” e posteriormente levaron a cabo unha visita guiada pola cidade medieval onde os alumn@s puideron aprender formas  de vida, comercio e relación entre igrexa e os monarcas.

Adentráronse no museo da catedral para poñer fin á saída.

Os alumn@s da E.S.O. asistiron a obra de inglés “ Christmas Carol”,  nun horario diferente ao de E.P.

O primeiro ciclo da E.S.O.  fixo  unha visita guiada pola cidade  dentro do programa “Pedras de Santiago”, mentres o segundo ciclo  visitou o Centro de Transfusión de Sangue onde pasaron polos distintos laboratorios nos que se trata, estuda e analiza o sangue.

O obxectivo destas actividades é a aprendizaxe dos nos@s alumn@s en todas as facetas da vida  dende o seu desenvolvmento persoal, afectivo  e cooperativo.

• Centro embaixador Save the Children

 Como todos os anos e  dende hai 12,  con motivo do ” Día Internacional dos  Dereitos do Neno ” participamos nunha carreira solidaria a favor da educación para todos os nenos e nenas , xa que é  un dos piares máis fortes para o futuro dunha persoa e dun país.

A educación enriquécenos como persoas e ábrenos as portas aos nosos soños , converténdonos en artífices dunha sociedade mellor.

Así pasamos o día: