O mes de decembro estivo cargado de actividades cheas de ilusión , amor e complicidade que se apreciaba na cara dos cativos. Os corredores enchéronse de beléns que encandilaron ao alumnado, os máis creativos e artistas puideron destacar no concurso de postais así como nas diferentes actuacións no festival de música e danza ó son das panxoliñas.
Colaboramos con Cáritas na recollida de alimentos para que todos puideramos desfrutar do Nadal.
Rematamos ao son das doce badaladas que anunciaban o remate dun ano para dar paso ao seguinte.
A Eucaristía da Familia puxo o broche final ás innumerables actividades de Nadal.
