Noticias

O martes, 8 de marzo, Día Internacional da Muller, unha data que nos invita a reflexionar sobre a situación da muller en todo o mundo, nos anima a fomentar accións que contribúan a recoñecer as aportacións de todas esas mulleres e nenas e tamén a celebrar a valentía… por iso:

• Asinamos no Muro da igualdade dende 3º  de primaria a 4º de ESO. FOTO 1
• En infantil, elaboramos flores para as mamás e as mulleres Ucraínas. FOTO 2     
• Dende educación infantil a 4º de educación primaria asistimos ao contacontos en streaming “Dúas nenas moi, moi valentes” a cargo de Trémola Teatro.

Pasámolo estupendamente na compaña de Lucía e Paula. Elas fixeron unha festa de pixamas moi divertida na que nos transmitiron valores moi importantes como son a igualdade e que na realidade e nos contos as nenas deberían ter a posibilidade de soñar e ser o que elas decidan ser.

Os alumn@s de sexto de primaria  participaron no programa de Radio Voz que ten como obxectivo coidar  da natureza e concienciarnos da importancia da reciclaxe. Para iso  que mellor que un ecoconsello.

A celebración da imposición da cinza pódese visualizar no No blog de Pastoral.

Xa se pode consultar a información sobre o proceso de admisión para o vindeiro curso 2022-23 no apartado ADMISIÓN ALUMNOS.

O venres pasado o noso cole encheuse de creatividade, ilusión, alegría, desfiles, bailes  e moitas gañas de compartir momentos felices entre compañeiros con motivo dunha celebración de longa tradición popular, o Entroido. Especialmente este ano, no que o alumnado se achegou ás tradicións dos sete entroidos galegos que exhiben con orgullo a cualificación de “Festa de interese turístico”.

No 23 de febreiro temos unha data a celebrar: o aniversario do nacemento de Rosalía.

Coma noutras ocasións puxémonos a traballar coa súa poesía e todos os alumnos e

 alumnas da ESO lemos, escribimos e reflexionamos sobre a mensaxe da súa obra.

Seguindo a proposta da AELG confeccionamos con eses versos uns carteis de flores: os pensamentos.

“Eu son libre. Nada pode conter a marcha dos meus pensamentos e eles son a lei que rexe o meu destino”.

 #SementadePensamentos

#_rdc_2022

Que estaremos a argallar en 1º e 2º ESO?

Estamos en febreiro, case case na metade do trimestre e que vén  por aí?

O Antroido!

Aínda que non sexa igual que outros anos polas circunstancias que estamos a vivir, sí que podemos coñecer e desfrutar del, da súa historia e protagonistas. E sobre iso traballamos nos nosos “Venres culturais”.

En nadiña xa está aquí, e xa veredes os nosos proxectos!

Cada 30 de xaneiro, os centros educativos celebramos o día da Non Violencia e da PAZ. Neste curso tan atípico pola pandemia, esta data ten, tamén, especial importancia debido a preocupación  polos acontecementos mundiais que amosan a intolerancia dalgúns seres humanos que nos fan lembrar a importancia do coñecemento mutuo, do diálogo  e do respecto aos demais. Non deixamos de ter presente que: ”Queremos un mundo en PAZ”. Deste xeito celebramos esta día, tendo presente a Historia de Sadako, que nos transmite valores importantes como o esforzo, a constancia, a esperanza e a creatividade entre outros. Todos eles móvennos  a perseguir a convivencia pacífica, pero non só dentro de nosas aulas, senón tamén intentándoa levar, fóra delas.

Aproveitando o bo tempo  tivemos a clase ao aire libre , onde disfrutamos facendo diferentes xogos en inglés.