Noticias

O  vindeiro xoves 31 de outubro de 2013 , non será lectivo, por ser declarado DÍA DO ENSINO, tal  como recolle o calendario escolar do curso 2013-14

De cara á xornada de Folga  no ensino convocada por diferentes organizacións sindicais para o vindeiro 24 de outubro, desexo informarvos que o noso colexio permanecerá aberto como calquera outro día, no seu horario habitual, cumprindo a nosa obriga de prestar o servizo educativo.

Sería a nosa vontade desenvolver as actividades lectivas e non lectivas con normalidade, pero no caso de que isto non fose posible polo exercicio do dereito á folga por parte do persoal do centro, e polos servizos mínimos fixados pola administración galega (o director ou directora do centro e un membro do persoal de administración e servizos por centro) os alumnos que acudan ao colexio serán atendidos nas mellores condicións posibles.

A incidencia previsible da folga no noso centro, segundo a información recibida dos traballadores, pode ser escasa ou nula entre o profesorado, o que poñemos no voso coñecemento aos efectos de que poidades decidir a asistencia ou non á clase do voso fillo/a.

En canto ao resto des servizos: comedor, transporte escolar, actividades extraescolares, funcionarán coma de costume según a información que temos a día de hoxe.

3º de ESO xa está en Twitter!

          O Instante da Lectura é un proxecto que parte do Plan Lector do centro, e pretende achegar a literatura ás aulas dun xeito diferente. Cada semana iremos lendo textos de diversos xéneros e autores, dos que vos iremos dando conta a través de  @InstaLectura.

            Queremos compartir con vós cada unha das nosas seleccións, polo que se gostas de ler, síguenos xa!

1º Ternura                       4ºEscucha

2º Atención                       5º Esfuerzo

3º Sensibilidad                   6º Acogida

• Canto final:  Amigo Vicente

En la etapa de la ESO asistieron a la  capilla para celebrar la Eucaristía de esta festividad.

O pasado venres 27 de setembro o consello escolar do colexio LA MILAGROSA, aprobou entre outros temas o anexo do Regulamento de Réxime Interno (RRI) que regula o uniforme do centro.

Este anexo pódese consultar no seguinte enlace: Anexo RRI

Como non se publicou este anexo antes do verán, o centro será flexible naqueles cambios que son novidade este  curso, por exemplo o calzado deportivo branco e non negro,  pero non en cuestións que xa levan implantadas dende hai catro anos e recordadas o ano pasado. Calqueira dúbida que xurda, poden consultarnos no centro ou ben aos titores ou Equipo Directivo.

E lembren que as normas establecidas no RRI son de obrigatorio cumprimento.

O vindeiro martes 1 de outubro, escomezará a xornada completa ,  polo tanto a hora de entrada será ás 9:30 e a de saída ás 17:30. Mantense por tanto o horario do curso anterior, xa que os resultados da enquisa non foron favorables ao cambio de horario.

Os usuarios do transporte escolar deberán estar nas paradas 30 min máis tarde.

O pasado mércores 29 de xuño, os alumn@s de 4º de ESO realizamos por fin a nosa visita cultural a Rianxo. Comezamos no Museo do Mar, alí coñecemos de primeira man a historia da nosa ría, as embarcacións e a súa orixe, o cultivo do mexillón en batea…

Na Casa Museo Manuel Antonio achegámonos ao legado do poeta, as fotografías familiares, os seus cadernos, manuscritos dos seus poemas, revistas literarias, as pipas… E deixamos o noso DVD homenaxe ao poeta, que realizamos con moito agarimo no 1º trimestre.

Logo continuamos cunha xeira pola vila, na mesma rúa onde viviron Castelao, os irmáns Dieste ou o propio Manuel Antonio. Rematamos a nosa visita no Paseo da Ribeira e no Auditorio.

O noso  agradecemento ao Concello de Rianxo e aos técnicos de turismo (Kike, Marcos e Natalia) pola súa xenerosa acollida.

UN MAIO CULTURAL CUN CONVIDADO ESPECIAL

A tarde do 24 de maio no noso colexio foi moi intensa. En realidade foi absolutamente marabillosa. Recibimos a visita de Francisco Castro. Logo de ler os alumnos do 1º ciclo da ESO e 6º de Primaria o seu Chamádeme Simbad, e o 2º Ciclo, O segredo de Marco Polo , tivemos a sorte de que se achegara a Oleiros para compartir connosco a vitalidade da súa escrita, as razón polas que chegou á literatura, como naceron as súas novelas…

Recibímolo cun estudo de radio, Radio Náufrago, onde Miguele Pablo Tomé (4º ESO)debutaron como locutor e técnico de son respectivamente. A presentación comezou con Heroes da Resistencia de NAO, e logo o Coro do colexio, dirixido pola profe Sara, cantou o Hello, Goodbye dos Beatles.

Francisco Castro acadou o recoñecemento á súa obra con diversos premios: o Frei Martín Sarmiento por Un bosque cheo de faias e tamén por Chamádeme Simbad. O  Blanco Amor de novela longa con Spam. E tamén o Premio de Novela Manuel García Barros, coa obra As palabras da néboa. O Frei Martín Sarmiento como mellor libro do ano con O ceo dos afogados.

Obtivo tamén premios relacionados co xornalismo e a poesía. Os seus libros xa se traducen a outras linguas.

Da súa escrita despréndese unha gran vitalidade, un inmenso amor pola lingua e pola terra. Cando o lemos percibimos os afectos, do mesmo xeito fai poesía dun momento cotián, como nos plantexa a súa fonda preocupación polos problemas da actualidade.

O autor de Xeración Perdida, In Vino Veritas, O neno Can ( escrito xunto con FinaCasalderrey)…. tamén escribe na prensa galega e na Internet. No seu blog A Canción do Náufrago atoparedes comentarios sobre a actualidade, ou o seu parecer sobre a lingua, os afectos, a fotografía, a música…… unha das súas grandes paixóns.

A súa charla foi amena e divertida, moi entrañable e cercana. Así que para unha tarde estupenda, un bonito final: asinounos a cada un de nós os libros que lemos.

Moitas grazas Francisco, por vir.

As alumnas Carmen Aliseda Ces ( 5º Ed. Primaria)  e Sheila Pérez Vázquez (3º Ed. Primaria) levaron o 3º premio de prosa e poesía respectivamente no Certame Literario organizado polo Concello co gallo do día das Letras Galegas.

Parabéns

Un ano máis celebramos en Secundaria a Festa da Palabra.

No Salón de Actos do colexio reunímonos os catro cursos da ESO e revisamos da man de Óscar Montero ( 3º ESO)  a historia da conmemoración das Letras Galegase a vida e obra do autor homenaxeado: Roberto Vidal Bolaño. Presentou o acto Carmen Méndez (4º ESO), que deu paso a continuación á adaptación do texto de Sechu Sende “Nin en soños vou perder a miña lingua”, da que se encargaron Alberto Fernández e Carmen Cadaval (3º ESO) nunha magnífica interpretación de monicreques.

Para rematar, un grupo de alumnos de 4º presentaron os seus videos promocionais sobre  a lingua: “En galego tamén se pode” e “Ti, por que falas galego?”

Estes son os enlaces nos que podedes velos:

http://www.youtube.com/watch?v=i3sNDCqroII

http://www.youtube.com/watch?v=YHaLJr_Abs0

O noso Exército das Letras foi o encargado de convidar a alumnos e profesores a unha nova edición da xa nosa tradicional Festa da Palabra.

Parabéns rapaces!