Noticias

Achegámoslles os horarios dos distintos festivais, así como o da Eucaristía da familia, que se vai celebrar o vindeiro venres 19 ás 18:00 horas na capela do Colexio. Por suposto, quedan convidados.

Para non ter problemas de aforo, o festival realizarase en dúas datas:

1. INFANTIL , 1º,2º de PRIMARIA e teatro

O xoves día 18 de decembro, ás 15:30

PRIMARIA (3º,4º 5º e 6º) – ESO

O venres día 19 de decembro, ás 16:00

Nadal é tempo de compartir. Nesta semana estamos coa “operación quilo” para axudar aos que menos teñen nestas datas. Coma sempre, agardamos a súa colaboración.

Como cada ano, nestas datas tan especiais, poñemos a andar unha nova campaña:

OPERACIÓN KG DE SOLIDARIEDADE

Toda a comunidade escolar pode participar ata o día 19, e así colaborar con familias necesitadas da nosa zona, para que tamén elas poidan disfrutar dun bo nadal. Podedes aportar un Kg ou un litro de alimentos non perecedeiros, así como tamén os produtos típicos destas festas.

Moitísimas grazas a tod@s.

Os alum@s de 3º ciclo de E.P. visitaron Santiago  para asistir á obra de teatro “Christmas Carol” e posteriormente levaron a cabo unha visita guiada pola cidade medieval onde os alumn@s puideron aprender formas  de vida, comercio e relación entre igrexa e os monarcas.

Adentráronse no museo da catedral para poñer fin á saída.

Os alumn@s da E.S.O. asistiron a obra de inglés “ Christmas Carol”,  nun horario diferente ao de E.P.

O primeiro ciclo da E.S.O.  fixo  unha visita guiada pola cidade  dentro do programa “Pedras de Santiago”, mentres o segundo ciclo  visitou o Centro de Transfusión de Sangue onde pasaron polos distintos laboratorios nos que se trata, estuda e analiza o sangue.

O obxectivo destas actividades é a aprendizaxe dos nos@s alumn@s en todas as facetas da vida  dende o seu desenvolvmento persoal, afectivo  e cooperativo.

• Centro embaixador Save the Children

 Como todos os anos e  dende hai 12,  con motivo do ” Día Internacional dos  Dereitos do Neno ” participamos nunha carreira solidaria a favor da educación para todos os nenos e nenas , xa que é  un dos piares máis fortes para o futuro dunha persoa e dun país.

A educación enriquécenos como persoas e ábrenos as portas aos nosos soños , converténdonos en artífices dunha sociedade mellor.

Así pasamos o día:

Por medio da presente, faise público que, dacordo co disposto nos artigos 31, 37 e 43 do Procedemento Electoral, a Xunta Electoral na reunión do 28 de Novembro do 2014, ás 15:00 horas, tendo en conta as actas levantadas polas distintas Mesas Electorais dos distintos sectores, acordou proclamar electos ós seguintes candidatos:

-REPRESENTANTES DE PAIS DE ALUMNOS:

Dna. Lucía Álvarez Sampedro
Dna. Mª Carmen Valeiras Crujeiras

-REPRESENTANTES DE ALUMNOS:
Dn Saúl Cadórniga Seráns

-REPRESENTANTES DE PROFESORES:

Dna. Josefa Martínez Domínguez
Dna. Mª Javier Vidal Bermúdez

Os nenos e nenas de Infantil tamén conmemoramos o día da Medalla Milagrosa. Visitamos a capela e regaláronnos unha medalla da Virxe, e nós regalámoslle as nosas cancións, poesías e oracións á Virxe Milagrosa.

Hoxe é 25 de novembro: Día contra a violencia de xénero.

Nós, os alumn@s de 2º de E.P. tivemos a sorte de recibir a visita de Ángela, unha educadora coa que traballamos dúas sesións mediante un proceso lúdico e didáctico, sobre este tema.

O obxectivo foi axudarnos a  previr e identificar a violencia de xénero, de maneira que tod@s poidamos sensibilizarnos con este problema tan dramático para a sociedade actual. Preparamos unhas camisolas co lema «VOAMOS X IGUAL» e tamén nos contou algúns contos, coma «O príncipe ceniciento».

O próximo 21 de novembro celebraremos e participaremos outro ano máis, na carreira solidaria SAVE THE CHILDREN.
Os alumn@s de E.Infantil e Primaria realizarán un circuíto no patio do colexio e os da E.S.O farán unha saída ao monte Tahúme: 1º da E.S.O realizará o percorrido a pé, e os de 2º,3º e 4º poderán escoller entre ir a pé ou en bicicleta (uso de casco obrigatorio)

Lembramos que o prazo para presentar a candidatura a representante de pai/nai no Consello Escolar, remata o venres 21 ás 11:30.

Os interesados poden facelo cubrindo o formulario disponible en portería e deixandoo alí mesmo.

CONSTITUCIÓN DA XUNTA ELECTORAL

De conformidade co establecido na Resolución do 19 de setembro do 2014 da Dirección Xeral de Ordenación e Innovación Educativa da Consellería de Educación e Ordenación Universitaria (DOG do 20), realizarase próximamente neste centro a renovación parcial do CONSELLO ESCOLAR que é o instrumento de participación na vida escolar de tódolos sectores educativos do Colexio.

A organización e a supervisión do prodedemento de elección dos novos membros do consello Escolar estará a cargo da Xunta Electoral que se constituirá ao efecto o día 5 de novembro ás 15:00 horas, e integrada por:

– O Director ou directora do Centro

– Un representante da titularidade

– Un profesor ou profesora

– Un pai ou nai ou titor legal.

– Un alumno da ESO

– Un representante do PAS.

Os tres últimos serán designados por sorteo segundo establece a Orde do 28 de agosto de 1996 (DOG 26/9/1996), art. 7º. Dito sorteo, que será público e no que se preverá a designación de membros suplentes, celebrarase neste Centro o próximo día 4, martes ás 11:15 horas.

Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instruccións que figurarán nas distintas convocatorias que próximamente se farán públicas pola Xunta Electoral do Centro.