CPR PLURILINGÜE LA MILAGROSA-JOSEFA SOBRIDO

Este curso no colexio estamos a traballar o valor do coidado, e para acompañarnos nesta viaxe decidimos ter unha mascota moi especial: unha tartaruga.

Ao longo da semana o alumnado participou con moita ilusión nunha votación para escoller o nome que levaría a nosa nova amiga. Foron moitas as propostas creativas e, despois de sumar todos os votos, xa temos resultado:

👉 A nosa tartaruga chámase Sami.

A partir de agora, Sami acompañaranos en diferentes actividades e lembrararanos cada día a importancia de coidar de nós mesmos, dos demais e tamén do noso entorno.

Durante a primeira semana de clase o alumnado de 1º de EP estivo relatando as vivencias do verá que máis tarde plasmaron en imaxes coas súas cámaras fotográficas. Unha forma divertida de compartir o vivido.

Despois da chegada da nosa mascota  ao colexio cedida polo amigo Luis ,quen mellor que o veterinario para ensinarnos os coidados que precisa a nosa tartaruga.

Alejandro  Llovo visitou esta semana o noso centro, conversando co alumnado e  respondendo as súas preguntas. Mostrounos curiosidades que descoñeciamos e concienciounos para ser bos coidadores.

No noso centro está en funcionamento a iniciativa da “maleta mariñeira viaxeira” do CEIDA, unha colección de libros e álbumes ilustrados sobre o medio mariño.
O seu obxectivo é achegar ao alumnado a cultura mariña, dar a coñecer os océanos e reflexionar sobre os problemas ambientais que os afectan, como o cambio climático ou o lixo mariño.
A maleta estará dispoñíbel no centro durante un mes, nos cursos de 1° a 4°.

Cada ano están presentes na nosa formación, valores que nos fan ser persoas integras e preparadas para a sociedade do futuro.

Este ano traballaremos O COIDADO empezando por cada un de nós para que repercuta nos que temos máis preto.

A mellor maneira de rematar o traballo dun curso e a xuntanza da comunidade educativa. Este ano visitamos Combarro e desfrutamos dunha viaxe en barco cun día esplendido .

Grazas por compartir un ano máis de aprendizaxe e de vida con nós.

Hoxe 20 de xuño engalanouse o patio do colexio para despedir ao alumnado de 4 da ESO e festexar o cambio de etapa dos alumnos de 6º de EI e 6º de EP.

Un acto moi emotivo onde familia, compañeiros e profesores participaron en facer ese día inesquecible.

O alumnado de Etapa de Primaria aproveita a última semana do curso para coñecer o entorno próximo e valorar o patrimonio cultural.

Ao mesmo tempo fixeron actividades deportivas e de recollida de lixo .