CPR PLURILINGÜE LA MILAGROSA-JOSEFA SOBRIDO

A semana pasada os rapaces da ESO participamos nun traballo de investigación chamado «Medida de presión arterial en adolescentes: educación sobre factores de riesgo cardiovasculares» coa «Sociedad Española de Farmacéuticos Comunitarios» (SEFAC).
Ademais do valor da presión arterial en adolescentes, para facer o estudo anotaron o sexo, idade, peso e talla dos participantes e pasaron unha pequeña enquisa sobre os hábitos de alimentación e actividade física ademais de darnos un consellos sobre hábitos de vida saudable.
O obxectivo desta investigación é contribuir á mellora da educación para a saúde dos adolescentes no ámbito do sobrepeso e o risco cardiovascular.
Foi algo diferente xa que á maioría de nós nunca nos tomaran a tensión.

Fai uns días, e con motivo do aniversario do Descubrimento de América, os alumn@s de 4º de Primaria demos comezo a un novo proxecto que pretende axudarnos a coñecer a figura de Cristóbal Colón.

Dende os seus inicios como comerciante, pasando pola decisión de emprender un viaxe ás Indias pola ruta do oeste, ata o seu encontro cos Reis Católicos… Serán puntos clave no noso Libro de Colón que finalizará no mes de xuño.

Nestas primeiras sesións, presentamos a figura de Colón e a dos Reis Católicos, personaxes clave nesta hisotira; e comezamos a deseñar a ruta de viaxe.

Boa travesía, navegantes!

“A Señora Anxos Alvariño. Oceanógrafa mundial”

Hoxe o Centro de Información á Muller do Concello de Ribeira puxo en marcha un programa de coeducación ao cal asistimos os nenos e as nenas de 2º de primaria.

Consistíu nun contacontos e obradoiro de debuxo que xiraba arredor da  científica galega, Anxos Alvariño, figura da oceanografía mundial, descubridora de especies e muller pioneira no mundo da ciencia e da investigación.

O obxectivo desta xornada era divulgar e poñer en valor aspectos da vida e obra desta científica galega, dende un punto de vista lúdico e apto para todos os públicos. Desenvolver a comprensión oral en galego das nenas e dos nenos na parte da narración oral e na posta en común, así  como potenciar a creatividade artística e tamén a autoestima e personalidade na parte do obradoiro.

Lembramos esta data arredor da obra: O corazón da Branca de Neve de Francisco Castro. O alumnado de 3º da ESO celebrou así o Día das Bibliotecas.

A actualidade chega as nosas aulas a través do xornal e de  xeito cooperativo analizamos  as noticias. Todos os puntos de vista  nos axudan a  ampliar novos horizontes.

Parece imposible, pero sin darnos conta xa ai aló un mes daquel primeiro día de clase.

Moitos atopábanse inquedos, outros adurmiñados, pero todas as súas caras amosaban un ápice de ilusión por aquel curso que estaba a piques de comezar.

Estas imaxes permítennos rememorar un primeiro día cheo de esperanzas e de propósitos que esperamos se vexan cumplidos en cada un dos nosos alumnos.

O noso centro quere sumarse un ano máis a loitar contra o cancro de mama.Quixemos facer presentes a todas esas loitadoras que lle fan frente a enfermidade con optimismo. Un lazo nos une con todas elas: nais, avoas, irmás, amigas… .Non estades soas,todos xuntos faremos a loita más levadeira.

Hoxe inauguramos o taller de «Creative Cuisine» cos nosos pequenos chefs de primeiro e segundo de Primaria. Estaban moi nerviosos durante a elaboración da súa primeira receita coma cociñeir@s. Aquí vai unha pequena mostra do elaborado.

O pasado xoves 1 de outubro incorporouse ao noso centro Stacie,  a auxiliar de conversa  que nos vai acompañar a alumn@s e profesores este curso. A comunidade educativa  do colexio A Milagrosa dálle a benvida!

As historias son unha fonte inesgotable de imaxinación e creatividade, que permite ao neno abrir a súa mente a paraxes e aventuras insospeitadas. Por esta razón, cada titora buscou un conto que decorase a súa porta e que invitase aos seus alumn@s a formar parte dun entorno de creatividade e cooperación.

Deste xeito, as nosas portas e corredores, convertéronse nesas páxinas vivas que queren facer da lectura un placer para @s nen@s.

Ao longo deste ano, pretenderemos favorecer ese clima de orixinalidade e innovación que permita aos alumnos afrontar riscos e ser quen de innovar ante as dificultades que se presenten.

Para iso, contamos coa colaboración de todo profesorado, que dende as distintas materias e enfoques irá implicando o conto correspondente no noso día a día, e axudándonos a velo con outros ollos.