O vindeiro xoves 1 de Outubro, comezará a xornada completa , polo tanto a hora de entrada será ás 9:30.
Os rapaces usuarios do transporte escolar deberán estar nas paradas 30 min mais tarde do habitual.
AUXILIAR DE CONVERSA 2015-16
Despois da experiencia do paso da auxiliar de conversa por este centro, este curso vamos a darlle continuidade. Neste mes de outubro, escomezará unha auxiliar de conversa que acompañará ao profesor titular de lingua estranxeira nunha sesión semanal en tódos os cursos do centro. Nos cursos nos que o Coñecemento do medio se imparte en inglés ( Science) tamen estará presente nesa materia unha vez á semana.
Ademais, na hora extraescolar formará grupos de conversa cos alumnos de 6º de EP ata 4º ESO que soliciten esta actividade. Este servizo supón un custo que a administración non vai sufragar, pero que aínda así consideramos que é de vital importancia. Polo tanto, é fundamental a participación das familias a través dunha aportación en forma de donativo voluntario.
Confiamos que as familias colaboren con esa aportación, xa que aínda que a porcentaxe de participación do curso pasado foi alta, o feito de ter unha cuota moi axustada, deu lugar a que o centro non cubrise tódolos gastos deste servizo. É preferible que participe todo o mundo ca ter que subir a contía por alumno, e sobre todo, porque é un servizo que disfruta TODO o alumnado.
A forma de colaborar é a seguinte: facer unha única aportación voluntaria de 25€/alumno na seguinte conta: ES35 0238 8198 1806 0000 3271
É moi importante facer constar o nome e curso do alumno relacionado coa aportación, para que poidamos rexistrar estes ingresos. Como o centro xa ten que efectuar o pago da primeira cuota, sería interesante que as aportacións se fixeran antes do 10 de decembro. Se algunha familia non pode asumir este servizo ou esta data límite, poden poñerse en contacto coa dirección do centro.
LISTAXE DEFINITIVA FONDO LIBROS 2º, 4º ESO
A continuación pode descargar a listaxe definitiva correspondente á convocatoria de FONDOS LIBROS para os cursos de 2º e 4º da ESO:
AXUDAS ADQUISICIÓN MATERIAL ESCOLAR
No DOG do 1 de setembro de 2015 está publicada a Orde que regula as axudas para a adquisición de material escolar.
Para consultar as bases prema na seguinte ligazón: Orde axudas material
Documentación a achegar xunto á solicitude:
– Copia do DNI ou NIE dos membros computables da unidade familiar
(cando non autoricen a consulta telemática).
– Copia do libro de familia onde figuren todos os membros computables da
unidade familiar.
– Declaración do imposto sobre a renda das persoas físicas do ano 2013 ou,
na falta desta, o certificado tributario de imputacións dos membros
computables da unidade familiar distintos da persoa solicitante (cando non
autoricen a consulta telemática).
– No caso de discapacidade igual ou superior ao 33% dalgún membro da
unidade familiar (incluído/a o/a alumno/a), documento que acredite esta
circunstancia).
– No caso de situación de violencia de xénero no ámbito familiar:
documentación acreditativa.
CONTÍA DAS AXUDAS: 50€ por alumno ou alumna que reúna os requisitos. O vale poderá usarse ata o 31 de outubro de 2015 (este incluído).
VENTA UNIFORMES
VENTA UNIFORMES INFANTIL-PRIMARIA ( CON PEDIDO)
Luns 31 agosto de 9:30 a 14:00 e 16:00 a 19:00
Martes 1 setembro de 9:30 a 14:00
INFANTIL-PRIMARIA ( SEN PEDIDO )
Venres 4 setembro de 9:30 a 14:00
VENTA UNIFORMES ESO ( CON PEDIDO)
Luns 7 setembro de 9:30-14:00
ESO (SEN PEDIDO)
Martes 8 setembro de 9:30-14:00
PROBAS SETEMBRO
As abellas
No terceiro trimestre os nenos de infantil quixemos coñecer un pouco mais eses bichiños que nos dan un pouco de medo porque a súa picadura doe moito, AS ABELLAS.
Coa colaboración dos nosos pais e a profe, aprendemos moitas cousas de forma moi divertida, como que se non me movo non me pican, que son moi organizadas e traballadoras, teñen danzas para comunicarse, e o máis importante, que son imprescindibles para os homes e para as plantas.
Todo isto aprendemolo xogando, visualizando documentais, con contos, coa participación dun apicultor (pai dunha nena) que nos proporcionou moito material, con manualidades…
E COA DESPEDIDA DE 4º DE ESO….FELIZ VERÁN!!!
DESPEDIDA DE 4º DE ESO
Todo chega ao seu fin, e despois de 13 anos a xornada prometía ser especial. Os nervios palpábanse no ambiente, e a medida que avanzaba o día a inmediatez dese adeus íase facendo máis visible.
Como marca a tradición, os rapaces de 3º e 4º de ESO comezaron disputando un partido contra profes e pais, onde os alumnos remataron gañando por 6-3. A continuación, todo o alumnado de Secundaria asistiu á entrega de Diplomas dos alumnos de 4º e ó visionado dunha montaxe que resumía a súa traxectoria polo noso centro.
Nel foron deixando mensaxes moi especiais para todo o centro educativo, que dou boa conta de que xunto cos nosos rapaces formamos unha gran FAMILIA.
A xornada continuou cunha comida familiar que nos fixo recordar os bos, e non tan bos momentos xuntos, as anécdotas e tamén a todos aqueles que nos axudaron a recorrer esta etapa. Para rematar, como colexio vicenciano que somos, e en base aos nosos valores, rematamos esta xornada tan especial cunha eucaristía. Nela, tiveron presentes a aquelas persoas que foron esenciais no seu paso polo noso centro, e que souberon ser apoio nos momentos máis difíciles.
MATRÍCULA ALUMNOS NOVOS
Informamos que o vindeiro xoves 25 de xuño ás 16:00 horas, terá lugar a reunión informativa coas familias dos alumnos de novo ingreso para formalizar matrícula para o curso 2015-16.
Aquelas familias que non poidan asistir, pódense poñer en contacto co centro proceder á formalización en outro horario.
Mostra de Teatro
Os nosos rapaces e rapazas de 1º a 4º de E.Primaria participaron na Mostra de Teatro Infantil de Ribeira. Levaron a representación da obra «Tres bruxas na sabana», que foi dirixida por Sor Francisca Varela.
Resultou moi ben, contamos coa colaboración dos profesores do Club Creativo (Paulova e José Caamaño) que deseñaron e elaboraron o decorado. Causou moitas risas a xirafa Rebeca, interpretada por Ángela de 2º de E.P.
