CPR PLURILINGÜE LA MILAGROSA-JOSEFA SOBRIDO

A Asociación Galega de Asperger ( ASPERGA ) organiza unhas Xornadas co título «BENVIDOS AO ESPECTRO». Máis información na web: www.asperga.org

Desta volta o alumnado de 1º da ESO está a aprender a realización da carreira de relevos, tendo que entregar o testigo dentro da zona de entrega. Aprendendo e mellorando cada día.

Continuando coas xornadas  de sensibilización coas enfermidades  mentais , os usuarios da asociación A Creba desprazáronse na mañá do venres,  ao noso colexio para levar a cabo un obradoiro en vivo dos diferentes traballos que realizan na asociación.
Asistiron os alumnos de 5º e 6º participando na elaboración dos mesmos con entusiasmo e empatía.

Os nosos rapaces puideron comprobar como a discapacidade que sofre este colectivo non é un impedimemto para poder desenvolver unha vida normalizada e integrada socialmente.

Tanto a entidade como a comunidade educativa do colexio destacan e comparten a importancia destas convivencias para destapar a realidade que xira en torno a este colectivo que está moi estigmatizado.

Ao longo da semana pasada, levamos a cabo a campaña de Infancia Misioneira baixo o lema “Atrévete a ser misioneiro”. Fixemos varias actividades de sensibilización que comezaban cada mañá no momento da oración. Con elas facíase ver a importancia da misión de cada persoa para lograr un mundo máis xusto e servicial, e logo continuaban con actividades interdisciplinares. A seguir engadimos o enlace da páxina web onde se pode visualizar o destino da axuda recollida nestes días:

https://www.omp.es/jornadas-infancia-misionera/

Moitas grazas pola vosa colaboración, sen a axuda de todos non sería posible.

O pasado día 31 de xaneiro o noso alumnado tivo unha nova xornada de deporte escolar no polideportivo municipal de Palmeira, onde desfrutaron de diferentes deportes xunto cos compañeiros e compañeiras do colexio CEIP O Grupo. Un día máis, todos o pasaron en grande compartindo unha xornada de actividade física, a cal rematou cunha gran partida multitudinaria de brilé, que serviu tamén para coñecer a nenos e nenas do colexio do Grupo, así como promover os valores do deporte como respecto, igualdade e compañeirismo.

O martes, 30 de xaneiro, Infantil ata 4º da ESO reunímonos para conmemorar esta data coa realización dunha pequena homenaxe a eses homes e mulleres que loitaron pola paz.

Cada curso elaborou un sinal que simboliza a apertura a un mundo novo con novos sentimentos e emocións e sinais de Stop que poñen freo a todo aquilo que fai escurecer o noso entorno .

Cada curso realizou unha votación para elixir ao alumn@ que mellor resolve os conflitos da aula e foi galardoado cun diploma que recoñece ese labor.

Os alumn@s de 4º da ESO foron os encargados de leren o manifesto onde quedou reflectido que queda moito por facer e que cada un de nós somos importantes para conseguilo.

Aquí vai unha pequena mostra do ben que o pasaron as alumnas e alumnos de 3º e 4º da ESO na viaxe á neve da pasada semana. Estiveron aloxados nun albergue no pobo de Villablino e disfrutaron das pistas da estación de esquí de Leitariegos, onde coa axuda dos monitores, aprenderon a esquiar e a facer snowboard.

De volta das vacacións de Nadal retomamos o noso proxecto.

A medida que avanza o curso profundizamos na nosa aprendizaxe sobre o mundo máxico.

@s alumn@s de 3º e 4º da ESO puxeron rumbo a Leitariegos para facer esquí e snow.
Recibirán clases das dúas modalidades en sesión de mañá e logo practicarán por libre.
Boa viaxe, rapaces!

Os alumn@s de 5º e 6º de Primaria participaron nunha charla a cargo da Asociación A Creba na que abordaron o tema das enfermidades mentais.
O obxectivo é sensibilizar  aos nosos alumn@s ante este tipo de enfermidades e intentar que desaparezan  os prexuízos que se forman arredor delas.
Nestas enfermidades todos podemos chegar a formar parte do tratamento para a súa recuperación e como tal debemos actuar.