Xa está aquí o entroido 2019, este ano traerá sorpresas.Avance en exclusiva
Xa está aquí o entroido 2019, este ano traerá sorpresas. Xa está aquí o entroido 2019, este ano traerá sorpresas.MATEMÁTICAS NO PATIO
Os alumnos de 4º da ESO disfrutaron no patio medindo a altura das distintas instalacións do cole.
Empregaron un inclinómetro feito por eles, e despois da toma de medidas, fixeron os cálculos correspondentes para poner en práctica os conceptos aprendidos no tema de trigonometría. Un bo exemplo de traballo cooperativo, e de ver o lado lúdico das mates…..
Aprendemos inglés xogando
O noso native teacher, Alex, cada semana realiza actividades nas súas clases cunha finalidade comunicativa e estimulante. Actividades que están pensadas para ir consolidando e ampliando os contidos e obxectivos de cada curso. No seu método non se fai nada porque sí; todo ten a súa razón de ser! Estas dúas primeiras semanas de febreiro @s nen@s do primeiro ciclo da primaria tiveron as clases de speaking adicadas aos xogos no patio do colexio. Cada actividade tiña relación co vocabulario dos temas que se dan nas clases de Inglés.
Así @s nen@s aprenden inglés dunha forma divertida e amena. Este tipo de actividades son de gran axuda para interiorizar os coñecementos lingüísticos que adquiren na clase de Lingua Inglesa.
Día do bocadillo solidario
O pasado xoves 14 de febreiro, desfrutamos un ano máis co día do bocadillo solidario, onde o alumnado dende 3º de primaria ata 4º de ESO colaborou con esta campaña de Mans Unidas: “Cremos na igualdade e na dignidade das persoas”.
Grazas ó fabuloso tempo que nos acompañou, puidemos saír do cole ata o Dolmen de Axeitos, onde desfrutamos do bocadillo en sintonía coa natureza. Pasárono en grande!
San Valentín
Este ano o alumnado de secundaria, polo día dos namorados, tivo a ocasión de participar no primeiro concurso de tarxetas de San Valentín que realizou o centro. A calidade das mesmas foi tan boa que o xurado tivo moi difícil a elección das tres gañadoras.
Moitas felicidades a todos os alumnos que participaron neste concurso!!
Tod@s merecían ganar!!!
SAN VALENTÍN
Os alumnos de 4º disfrutamos dunha xornada diferente celebrando o día de San Valentín.
Tras un sorteo aleatorio a través dunha aplicación, puidemos saber a que compañeiro lle iamos adicar un día especial.
Para rematar a xornada, escribimos as nosas tarxetas de felicitación e fixemos entrega delas.
Foi toda unha sorpresa poder recibir ese pequeno agasallo!
AS EMOCIÓNS NA AULA
Ao longo deste mes, os rapaces de 4º levaron a cabo unha rutina de saúdos, co obxectivo de mellorar as relacións persoais e fortalecer os vínculos entre os diferentes membros.
Cada mañá, un neno era responsable de recibir aos seus compañeiros na aula.
Estes, ao chegar xunto o alumn@ responsable, elexían o modo en que o ían saudar: cun abrazo, un choque de mans, de puños, ou chocando os cinco.
A verdade é que estaban impacientes porque chegase a súa quenda, e iso axudáballes a comezar o día con moita máis ilusión.
AFONDANDO NA ETNOMUSICOLOXÍA
Os rapaces de segundo da ESO levamos varias sesións traballando a organaloxía musical.
Analizamos o timbre, as características e a clasificación dos diferentes instrumentos.
A través do visionado de distintas obras puidemos ver como cohesionaban co resto da orquestra.
Pero máis sorprendente foi descubrir aqueles instrumentos propios doutras culturas, e traballar a etnomusicoloxía dos diferentes continentes.
Puideron observar e experimentar con instrumentos procedentes de México, Tailandia e incluso África.
Perderon o medo e animáronse a sacarlle algunha nota aos instrumentos.
CONCERTO NA AULA
Os alumnos de segundo seguimos disfrutando de clases diferentes.
Esta semana, e aproveitando que estábamos traballando os aerófonos de vento madeira, puidemos presenciar un concerto en directo.
Grazas á colaboración de Alexandra, que nos deleitou cun Estudo clásico e con varias bandas sonoras moi coñecidas, como «A guerra das galaxias» ou «Mary Poppins», puidemos beneficiarnos da experiencia de escoitar música en directo.
Teatro en inglés e visita ás minas de San Finx
O alumnado de 1° e 2° da ESO, un ano máis, puideron disfrutar da visualización dunha obra de teatro en inglés no Palacio de Congresos en Santiago de Compostela.
Finalizaron a saída cultural coa visita guiada ao museo das Minas de San Finx onde puideron poñer en práctica aspectos aprendidos ao longo do curso.
