CPR PLURILINGÜE LA MILAGROSA-JOSEFA SOBRIDO

O luns 24 de marzo, todos os alumnos de Secundaria do noso colexio, decidiron saír da rutina e visitar lugares de interese da nos aterra descoñecidos para eles ata o momento.

A pesar do gran madrugón e do día tan chuvioso que tiveron, non faltaron risas, compras e sorpresas.

O primeiro que fixeron foi acudir a ver a representación da obra “Dr. Jekyll e Mr. Hyde”, unha obra chea de misterio, fantasía, medo…, que en ocasións fixo tremer ós asistentes.

Logo, no descanso, desprazámonos ata o centro comercial “As Cancelas” onde puidemos disfrutar dun tempo de lecer e repoñer novas forzas para as actividades da tarde.

Para rematar o día, tomamos rumbo ó Pazo de Oca, onde todos quedaron asombrados con semellantes xardíns e tentaron resolver algunha proba dentro do Laberinto.

Aínda que o tempo non acompañou dende a primeira hora da mañá, todos ou a maioría quedaron satisfeitos co que viran os seus ollos. Ó fin e ó cabo, saír do colexio a coñecer novos lugares non ven nada mal.

Ao igual que en anos anteriores, o Coro do Colexio participou no XXIII Festival da Canción Misioneira, que tivo lugar o sábado 22 de Marzo no Colexio Sagrado Corazón de Castiñeiras.

Xunto con outros coros da provincia, os nosos alumnos presentaron a súa actuación “Color esperanza” de Diego Torres, que acadou grandes vítores entre os asistentes.

O Concello de Ribeira a través do seu departamento de Servizos Sociais, ofreceunos a posibilidade de participar nunha actividade moi interesante. Así, o grupo de 3º de ESO, puido coñecer aspectos como a realidade social do noso contorno máis próximo,  recibir información sobre o papel e as función dos servizos sociais, ou mesmo nos explicaron como previr actitudes ou comportamentos segregacionistas.

A través de xogos coma os globos da diversidade ou as lousas, o pedagogo Santi Páramo axudounos a entender mellor como debe ser unha sociedade xusta construída entre todos.

Rematamos a mañá cun sorriso así de grande, pintado por nós.

Grazas  Santi por vir!!!

No apartado de ADMISIÓN DE ALUMNOS está publicada a listaxe definitiva de alumnos admitidos e non admitidos para o curso 2014-2015.

No apartado de ADMISIÓN DE ALUMNOS está publicada a listaxe provisional de alumnos admitidos e non admitidos para o curso 2014-2015.

A Consellería de Educación  acaba de anunciar no DOG do 27 de marzo, as axudas para a realización de actividades de formación en linguas estranxeiras e que van dirixidas a alumnos que cursan actualmente algún curso da ESO ou Bacharelato.

Os solicitantes ademais, deberán ter superadas todas as materias no curso 2012/13 e unha nota mínima de ben ou 6 na área de lingua inglesa.

Poden descargar o DOG neste enlace ou o cartel informativo.

CARTEL AXUDAS

Como vimos facendo dende hai varios anos, o día 11 de marzo, fomos de marcha ata o dólmen  para celebrar o “Día do bocadillo”.

Esta actividade forma parte da “Campaña contra a fame”  que promove Mans Unidas.

Nela, participaron os cursos de 3º de EP ata 4º da ESO.

Camiñamos ata o Dolmen de Axeitos, os rapaces maiores axudábanlle ás titoras dos cursos de primaria cos nenos máis pequenos, xa que algúns era a primeira vez que ían.

Alí comemos o bocadillo e pasamos un tempo de lecer.

Os alumn@s de tecnoloxía de segundo da ESO, con motivo do entroido, fixeron máscaras  de papel  maché no taller ,empregando fundamentalmente  papel  de periódico, cola branca e decorando con pintura e outros complementos. Tamén fixeron algunha de escaiola.

As máscaras pódense ver en galería.

O león e  a leoa.

O león que non sabía escribir… foi o conto que un grupo de alumn@s de 4º da ESO leu nunha pequena dramatización aos compañeiros de 1º de EP o venres 14 deste mes.

O mono, o hipopótamo, a xirafa, o crocodilo, o escaravello e o voitre axudan ao león a escribir unha carta para namorar á leoa.

Luciron unhas fermosas maquillaxes grazas á colaboración de Pilar, que realizou un magnífico traballo.

                                                             Foi un día moi entretido e os pequenos disfrutaron tanto coma nós.

Os días 12 e 14  de febreiro os alumnos do 3º ciclo de E.P. do colexio A Milagrosa visitaron a instalación da escola Amicos situada en Oleiros. O obxectivo foi participar no programa Integr@escola.

A participación dos alumnos foi moi boa e receptiva, puideron ver  in situ os atrancos cos que se atopan estes rapaces e non tan rapaces na vida cotiá. Tamén  disfrutaron das súas aulas e interactuaron con eles nas distintas actividades. Aprenderon a linguaxe de signos, percorreron un mini circuito para experimentar que sente un invidente, fixeron unha pequena entrevista  onde comprobaron  a importancia de ser pacientes e   dar confianza a aqueles que lles custa manexar a linguaxe.

Foi unha experiencia moi enriquecedora para todos e que os nosos alumn@s calificaron  positivamente.