Noticias

O alumnado de 1 e 2 ESO desfrutou dun magnífico día no centro de conservación de Marcelle, alí, acompañados polos guías, coñecemos moitas curiosidades de cada animal e como é a sús vida tanto en liberdade coma no centro.

Un ano máis os alumnos de primaria e ESO participaron na campaña de Mans Unidas cunha andaina ata o Dolmen de Axeitos. Unha tarde de convivencia co obxectivo de concienciar ao alumnado de colaborar con aqueles que máis o necesitan. O alumnado do 1ª ciclo de primaria participou da mesma actividade na horta do colexio.

Un ano máis conmemoramos o Día Internacional da Muller.Este ano pensamos que tiñamos que atopar mulleres encargadas do “Coidado”, valor que traballamos  neste curso. Centrámonos no ámbito sanitario e o coidado dos maiores. As nosas convidadas especiais foron nais dos nosos alumnos que desempeñan día a día un labor tan entrañábel.

Un ano màis o alumnado de educación infantil e o primeiro ciclo de primaria desfrutaron dunha representaciòn teatral en lingua inglesa a cargo da compañía Face to Face. Unha abelliña foi quen de acercar aos alumnos a amizade .

Os alumn@s participaron activamente ao longo de toda a representación.

O alumnado de 6º de primaria no seu taller de escritura traballou as receitas que rematamos coa  súa degustación nunha gran merendola.

Hoxe asistimos ao auditorio para conmemorar o 8M, Día Internacional da Muller.

Participamos nunha proposta escénica adaptada á súa idade, onde abordaron as desigualdades no deporte e promoveron valores fundamentais como a igualdade, o respecto e o traballo en equipo.

Foi unha experiencia enriquecedora que nos invitou a reflexionar e a seguir construíndo unha sociedade máis xusta e igualitaria.

Educación Infantil, 1º e 2º de EP.

Confirmen asistencia.

Xa se pode consultar a información sobre o proceso de admisión para o vindeiro curso 2026-27 no apartado ADMISIÓN ALUMNOS.

Os alumnos do 3º ciclo de primaria fixeron de reporteiros entrevistando a Rosalía, para dar a coñecer a súa vida e obra ao alumnado de primaria.
Recitaron os seus poemas e remataron coa actuación do grupo de pandereteiras do cole.

O alumnado do 2º e 3º ciclo de primaria xunto coa a etapa da ESO participaron na imposición da cinza como preparación a celebración da Semana Santa.