Noticias

A cor laranxa invadiu corredores e aulas para festexar esta festa de orixe celta .
As historias , persoaxes e cancións de terror estiveron durante esta semana presentes  nas nosas actividades.

Con motivo da festividade de Todos os Santos, o alumnado de educación primaria realizou unha tarefa de investigación para coñecer mellor ao santo ou santa do seu nome. Desta volta o alumnado de 5º e 6º atoparon fermosas imaxes e tamén o significado da simboloxía presente nelas.

Noraboa polo voso esforzo.

Alguna vez te sentiches invisible?

Alguna vez te sentiches pequeno? Indiferente?

Ao longo da semana dedicada á sensibilización co TDAH reflexionamos e lembramos que:

Cada neno é diferente

Cada neno é especial

Cada neno é único!

Por iso, continuaremos investigando as dimensión positivas das persoas para así descubrir Talentos Extraordinarios.

Este ano tocounos ser máis responsables que nunca e estámolo facendo  moi ben. Todos nos felicitan porque mantemos as distancias xogando, merendando e aprendendo, e iso fai que esteamos contentos.

Un ano máis no mes de outubro comezou o acompañamento do auxiliar de conversa aos profesores de Lingua estranxeira e da materia de Science.

Jonny Clark, procedente de escocia, impartirá tamen na hora extraescolar as clases de conversa dende 6º de E.P. ata 4º da ESO

Este ano como novidade incorporaranse a esta actividade os alumnos de 6º de E.I.

O día 19 de outubro achegamos á nosa memoria a todas aquelas mulleres cheas de coraxe, valentía e esperanza que nun determinado momento da súa vida tiveron que loitar por vencer á enfermidade, mulleres valentes co único obxectivo de saír mais fortes e victoriosas desta loita.

O  Domund do 2020 arranca co lema: «Aquí estou, envíame» e chámanos a colaborar. Este ano cobra especial sentido na crise  sanitaria da Covid-19. Non é só colaborar coa Misión, senon  participar nela. Lembra: con pequeños feitos, conseguiremos grandes logros. 

Nestes tempos que vivimos de pandemia e incertidume, preséntasenos obstáculos no camiño, pero que estes nos sirvan como oportunidades para reinventarnos dende a prudencia e a responsabilidade. Que nos axuden a coller impulso para ser testemuñas do Ser Vicenciano que nos identifica. 

Feliz día de San Vicente dende a Comunidade Educativa!! 

            A consellería transmítenos a decisión de modificar as datas de comezo de curso na etapa da ESO. Quedan da seguinte maneira:

1º e 2º da ESO: 23 de setembro

3º da ESO: 24 de setembro

4º da ESO: 25 de setembro

FONDO LIBROS ESO

Publicado no taboleiro do interior do colexio a listaxe definitiva de admitidos no fondo de libros de texto de ESO: Cada familia recibirá un correo electrónico na plataforma EDUCAMOS, coa información dos  libros asignados. Estes libros serán entregados aos alumnos cando se inicie a xornada lectiva.

Según o artigo 13 bis da Orde do 12 de maio, as listaxes publicaranse única e exclusivamente no taboleiro de anuncios situado no interior do edificio escolar. Así mesmo, as persoas solicitantes poderán acceder por vía electrónica ao seu expe­diente, a través da aplicación Fondolibros, empregando a Chave 365 ou o certificado dixital da Fábrica Nacional da Moeda e Timbre.