Chegamos ao final de xuño, e a nosa primeira promoción de Magos e Bruxas do Colexio Hogwarts remata a súa tempada escolar. Non sen antes facer lembranza dos bos momentos e da aprendizaxe que xuntos levamos a cabo.
A aprendizaxe cooperativa, as diferentes Casas que conforman a nosa clase foron enfrontándose e superando diferentes probas.
A súa actitude, as súas tarefas e a súa participación tiveron a súa recompensa e proporcionáronlles os puntos e o coñecemento necesarios para afrontar a última proba: unha gymkana que comprendía todo o saber do Mundo Máxico.
Os nos@s alumn@s tiveron que poñer en práctica todo o aprendido nas clases de Pocións, Astronomía, Encantamentos… 6 probas diferentes, que coa axuda dos nos@s compañeir@s de 4º E.S.O. puideron ser avaliadas exitosamente.
Moitos nervios, pero sobre todo ilusión; permitíronlles disfrutar deste día tan emocionante para os nosos rapaces.
Finalmente, quédame felicitar aos alumn@s que non resultaron gañadores, xa que souberon aceptar con madurez a súa derrota, felicitar tamén aos que foron capaces de progresar satisfactoriamente ata acadar o primeiro posto; e por último, agradecer ás rapazas e rapaces de 4º de E.S.O. que fixeron posible levar esta actividade, a cabo e que foron quen de gañar o respecto e a admiración dos máis pequenos.
Noraboa a tod@s!
