Os rapaces e rapazas de terceiro e cuarto da ESO visitamos a exposición da sala Lustres Rivas adicada a Cervantes.
Nela desfrutamos dos gravados que Dalí fixo sobre O Quixote e das láminas de diferentes autores galegos sobre o mesmo tema, entre eles Laxeiro, Sucasas e Alfonso Costa.
O pasado día 2 de decembro, realizouse no complexo deportivo de A Fieiteira a carreira de campo a través “II Memorial Vicente Fernández” onde os nenos e nenas do noso colexio, dende terceiro ata sexto de primaria, pasaron unha xornada deportiva apaixoante participando con alumnado de outros colexios da zona, onde o máis destacable foi o gran ambiente vivido nesta festa do deporte.
O pasado 27 de novembro celebrouse a Virxe Milagrosa, ela foi quen nos convocou na capela.
Nunha sinxela celebración recordamos a Historia da Medalla. Comezamos, como xa é costume, coa Imposición da Medalla Milagrosa aos nenos de 4º de infantil e aos novos nenos chegados este ano. Tamén tivemos importantes momentos cargados de significado como foi a lectura da Palabra, as cancións e a petición das grazas.
Todos disfrutamos e lembramos estes acontecementos tan importantes e cargados de significado para cada un de nós… Estamos seguros que a mensaxe da Medalla seguirá sendo transmitida de xeración en xeración.
Coma todos os anos nestas datas, poñemos en marcha a Campaña de recollida de alimentos. Dende o día 1 de decembro ata o 20 do mesmo mes, poderedes aportar alimentos non perecedeiros. Estes alimentos serán entregados ás familias,coas que colaboramos durante todo o ano. De antemán agradecemos a vosa xenerosidade e solidariedade.
Lembrámoslles que o vindeiro venres 9 de decembro e tamen o 2 de maio de 2017 , non serán lectivos, por ser os días solicitados polo Centro no comezo do curso, e autorizados pola Consellería, tal como recolle o calendario escolar do curso 2016-17.
Despois de levar case dous meses da materia de Cultura Clásica , os alumnos de 3º da ESO fixemos unha viaxe polas antigas civilizacións: Grecia e Roma. Ámbalas dúas nos deixaron un gran legado histórico e cultural… tanto que as nosas ideas sobre política, medicina, arte etc, son en grande parte herdanza destas dúas civilizacións. Por iso, quixemos facerlle unha pequena homenaxe representando o que máis nos chamou a atención destas dúas culturas.
Cada 25 de novembro celebrase o día Internacional contra a violencia de Xénero. Este tipo de violencia segue sendo,a día de hoxe, unha das principais lacras da nosa sociedade; por iso no noso afán de potenciar nos alumnos os valores que nos farán mellores persoas e mellores cidadáns do futuro, está a concienciación e sensibilización para que saiban detectar e combatir os diferentes tipos de agresións,non só físicas senón tamén verbais e psicolóxicas,que son o primeiro paso da violencia de xénero. TODA A COMUNIDADE EDUCATIVA DO COLEXIO DI E DIRÁ NON A VIOLENCIA DE XÉNERO.
Entre todos elaboramos unha pirámide alimenticia e aprendemos da importancia da auga na nosa dieta . Do aconsellable que é ter unha alimentación saudable e equilibrada respectando a inxesta de cada grupo de alimentos .
Aproveitando a Semana da Ciencia, os alumnos de 3º e 4º de Primaria, desprazámonos ata a Coruña, a cidade de cristal.
Alí, vímonos rodeados de cultura polos catro costados, e puidemos disfrutar de dous dos seus principais museos: O MUNCYT e a Domus.
Durante a mañá, visitamos o Museo Nacional de Ciencia e Tecnoloxía. Coa axuda dos nosos guías, levamos a cabo un experimento que nos axudou a valorar a importancia da auga potable. Durante a nosa estancia, tamén puidemos coñecer os famosos robots do museo, Pepe Xan e Mari Luz; e viaxar a bordo do BOEING 747 encargado de traer o Guernica a España.
Tras o xantar, desprazámonos ata a Domus, onde puidemos manipular diferentes maquetas e asistir a unha representación en 3D da película “Pequenas criaturas”.
Foi un día de gran proveito!
Como cada ano o 20 de novembro recordamos o Día dos Dereitos do Neno colaborando coa ONG Save the Children.
Este ano sensibilizámonos coa importancia que ten a auga nas nosas vidas e da que moitos carecen.
Participando na carreira escolar Quilómetros de Solidariedade queremos axudar a que milleiros de cativos e cativas teñan acceso á auga potábel, a unha alimentación axeitada e a unha educación.
Cunha aportación de 4 euros un rapaz recibe material para seguir estudando, con 7 euros, ten auga potábel nunha escola durante un mes e con 17 euros un neno come no colexio durante un mes.
Tod@s os alumn@s do colexio convertémonos en gotas de auga e, gota a gota logramos levar un pouco de alegría e axuda a aqueles rapaces que máis o necesitan.
Grazas a tod@s por colaborar.
