Convocadas axudas para a realización de actividades formativas STEM en lingua inglesa. Destinatarios alumnos de 3º e 4º da ESO de centros sostidos con fondos públicos. Máis información en http://www.edu.xunta.gal/portal/node/25248
Flores dorneiras
Este ano a Real e Ilustre Cofradía da Dorna de Ribeira tivo a iniciativa de presentar un proxecto cargado de orixinalidade e creatividade: repartir máis dun centenar de flores dorneiras por colexios, asociacións e artistas da comarca coa finalidade de invitalos a reflectir as súas interpretacións do símbolo dorneiro. E, como non, dende o Colexio da Milagrosa tamén quixemos mostrar o talento artístico do noso alumnado presentando 6 flores.
Dende o 1 de xuño, data na que todas as mostras entregadas foron expostas no Concello de Ribeira, podemos admirar os diferentes diseños presentados decorando os centros públicos ribeirenses. Xa localizáchedes as nosas? Aí van dúas pistas…
ALUMNADO NOVO INGRESO
O vindeiro luns 25 de xuño ás 17:00 horas, terá lugar a reunión informativa coas familias dos alumnos de novo ingreso para formalizar matrícula para o curso 2018-19.
Aquelas familias que non poidan asistir, pódense poñer en contacto co centro, e proceder á formalización noutro horario.
EXPERIMENTANDO
Nestas últimas semanas, e a piques de rematar o curso, quixemos probar algunhas técnicas novas.
Por un lado, empregamos o recurso dos emojis para traballar os refráns, e mediante un concurso,ver quen acadaba máis puntos.
E por outro, iniciámonos na estrutura complexa do Crebacabezas. Mediante reunións de grupos base e grupos de expertos, puxemos a proba o noso dominio sobre as categorías gramaticais.
Seguiremos disfrutando da nosa aprendizaxe!
As nosas lecturas
Dentro das actividades do maio cultural os alumnos e alumnas de 5º de Primaria elaboraron os seus propios libros dun xeito creativo nos que reflicten as técnicas adquiridas nas lecturas levadas a cabo durante o presente curso.
Deste xeito, os rapaces e rapazas puideron disfrutar do pracer de ler, converténdose eles en autores, ilustradores e editores.
HORARIO XUÑO
O vindeiro venres 1 de Xuño, comezará a xornada única de mañán, polo tanto a hora de entrada será ás 9:00 e a de saída ás 13:50 ( os que solicitaron servizo de comedor sairán na hora acordada). Os usuarios de transporte escolar deberán estar nas paradas 30 min antes do habitual.
FESTIVAL DÍA DAS LETRAS GALEGAS
Coma todos os anos, reunímonos para homenaxear a nosa lingua, a nosa cultura, nun día tan significativo como o Día das Letras Galegas. Este ano celebrámolo dunha forma especial, comezando días antes do 17 de maio a enfatizar o valor da nosa lingua e buscar información sobre a autora homenaxeada ese día. Para iso, os nenos e nenas de 5º de Primaria, baixo o lema “O idioma é a forza que nos sostén; se perdemos a fala non seremos ninguén”, recolleron unha boa mostra de refráns do noso pobo galego. Namentres, os discentes de toda Primaria dedicáronse ó labor periodístico, en busca de información sobre a vida, historia e obra de Mª Victoria Moreno. Ese proceso foi levado a cabo mediante actividades, como o uso do folio xiratorio en 1º, 2º e 3º de Primaria e a exposición entre os compañeiros das obras da autora. Resaltáronse dous libros: A festa no faiado e Mar Adiante, obras que se plasmaron co proxecto plástico das portadas dende a materia de Educación Plástica.
O 16 de maio, un día antes do Día das Letras Galegas, celebrouse no colexio a homenaxe á autora. Primeiramente, os máis pequenos de Primaria realizaron unha visita á gardería “Barbanziños” onde leron o conto “A festa no faiado”, colorearon un marcapáxinas de María Victoria Moreno, xogaron un anaquiño cos nenos da escola infantil e remataron a visita entregándolles un agasallo que prepararon con moito agarimo. Foi unha visita moi especial, cargada de emocións!
Xa pola tarde tivo lugar o Festival, onde a espontaneidade e orixinalidade do evento caeu en mans do alumnado de Primaria, xa que sintetizaron todo o traballado sobre a autora mediante unha dramatización escolar e unha mesa redonda onde, tanto participantes como espectadores, participaron animadamente. O broche de ouro correu a cargo do serán levado a cabo pola música das pandeiretas nas mans das nosas alumnas, xunto coa entrega de premios aos discentes de 4º, 5º e 6º de Primaria e 1º e 2º de ESO que participaron na escritura de microrrelatos na honra da autora comezando todos coas verbas dunha das súas obras: “Subiu ata o faiado da casa e alí…”
Un resumo de todas estas actividades pódese ver no seguinte vídeo:
Viaxe a Cantabria
Dende o CPR A Milagrosa pretendemos traballar as habilidades sociais e favorecer o desenvolvemento do noso alumnado no mundo real. Para iso, este ano organizouse, para os cursos de 1º e 2º da ESO, unha viaxe de tres días e dúas noites a Cantabria. Esta viaxe supuxo unha experiencia enriquecedora para os discentes, ademais das aprendizaxes culturais e sociais, onde puideron ver, sentir e tocar moitas das cousas estudadas ao longo do curso nas diferentes materias.
AXUDAS E FONDO LIBROS 2018-19
Aberta a convocatoria de axudas, fondo e material escolar para o vindeiro curso 2018-19. Poden consultar a información na lapela AXUDAS LIBROS.
Visita á Residencia do Maior
«O corazón, como as cousas que se saben, como os cartos que se gañan, soamente serven para algo se se comparten cos demais»
Mª Victoria Moreno
E 4º de ESO non quixo deixar de celebrar o Día das Letras cunha visita a Ribeira para compartir o noso labor cos maiores da Residencia de anciáns.
Ao longo dunha hora charlamos con eles, algúns deles contáronnos de onde son e como foi a súa vida, ata coñecían a algunhas das nosas familias porque foron veciños! Lémoslles textos da autora homenaxeada, e agasallámolos cunhas letras marcapáxinas. Foi moi emocionante compartir una anaco do noso tempo con eles, que teñen tantas cousas que nos ensinar.
E como remate, nesta semana tamén elaboramos o audiovisual que vos deixamos a seguir.