No apartado de ADMISIÓN DE ALUMNOS está publicada a listaxe definitiva de alumnos admitidos e non admitidos para o curso 2014-2015.
LISTAXE PROVISIONAL
No apartado de ADMISIÓN DE ALUMNOS está publicada a listaxe provisional de alumnos admitidos e non admitidos para o curso 2014-2015.
AXUDAS FORMACIÓN LINGUAS ESTRANXEIRAS
A Consellería de Educación acaba de anunciar no DOG do 27 de marzo, as axudas para a realización de actividades de formación en linguas estranxeiras e que van dirixidas a alumnos que cursan actualmente algún curso da ESO ou Bacharelato.
Os solicitantes ademais, deberán ter superadas todas as materias no curso 2012/13 e unha nota mínima de ben ou 6 na área de lingua inglesa.
Poden descargar o DOG neste enlace ou o cartel informativo.
«Día do bocadillo»
Como vimos facendo dende hai varios anos, o día 11 de marzo, fomos de marcha ata o dólmen para celebrar o “Día do bocadillo”.
Esta actividade forma parte da “Campaña contra a fame” que promove Mans Unidas.
Nela, participaron os cursos de 3º de EP ata 4º da ESO.
Camiñamos ata o Dolmen de Axeitos, os rapaces maiores axudábanlle ás titoras dos cursos de primaria cos nenos máis pequenos, xa que algúns era a primeira vez que ían.
Alí comemos o bocadillo e pasamos un tempo de lecer.
TALLER DE MÁSCARAS
Os alumn@s de tecnoloxía de segundo da ESO, con motivo do entroido, fixeron máscaras de papel maché no taller ,empregando fundamentalmente papel de periódico, cola branca e decorando con pintura e outros complementos. Tamén fixeron algunha de escaiola.
As máscaras pódense ver en galería.
O león que non sabía escribir…
O león e a leoa.
O león que non sabía escribir… foi o conto que un grupo de alumn@s de 4º da ESO leu nunha pequena dramatización aos compañeiros de 1º de EP o venres 14 deste mes.
O mono, o hipopótamo, a xirafa, o crocodilo, o escaravello e o voitre axudan ao león a escribir unha carta para namorar á leoa.
Luciron unhas fermosas maquillaxes grazas á colaboración de Pilar, que realizou un magnífico traballo.
Foi un día moi entretido e os pequenos disfrutaron tanto coma nós.
Visita a AMICOS
Os días 12 e 14 de febreiro os alumnos do 3º ciclo de E.P. do colexio A Milagrosa visitaron a instalación da escola Amicos situada en Oleiros. O obxectivo foi participar no programa Integr@escola.
A participación dos alumnos foi moi boa e receptiva, puideron ver in situ os atrancos cos que se atopan estes rapaces e non tan rapaces na vida cotiá. Tamén disfrutaron das súas aulas e interactuaron con eles nas distintas actividades. Aprenderon a linguaxe de signos, percorreron un mini circuito para experimentar que sente un invidente, fixeron unha pequena entrevista onde comprobaron a importancia de ser pacientes e dar confianza a aqueles que lles custa manexar a linguaxe.
Foi unha experiencia moi enriquecedora para todos e que os nosos alumn@s calificaron positivamente.
Un 24 de febreiro naceu Rosalía…
Hoxe enchemos a nosas redes sociais coas autofotos (selfies) do 2º ciclo da ESO con Rosalía.
Pasou o ano da conmemoración do 150 aniversario da publicación de Cantares Gallegos e a Fundación Rosalía de Castro convidounos a todos a participar neste día co #euRosalia.
Aquí vos deixamos as nosas aportacións a este berro nas redes en @InstaLectura.
Nós e Rosalía.
Santiago en febreiro…
O martes 11 de febreiro os cursos de 3º e 4º da ESO fomos a Santiago de Compostela.
Tiñamos unha axenda moi apretada:
Comezamos ás 11:30 na Salle, onde disfrutamos dun musical a cargo do grupo catalán «Armónica Invisible», trio que nos fixo un percorrido pola música dos anos 50 aos 90.
Cando rematou o concerto, fomos andando ata a Catedral, para disfrutar da actividade «Tellados de Santiago», onde vimos as cubertas. Espectacular!
Logo o autobús deixounos nun centro comercial para comer e descansar un chisco e pola tarde ás 17:00 horas visitámolo MUPEGA (Museo Pedagóxico de Galicia). Alí recibiunos Emilio, que é da Pobra e fíxonos un resumo moi bo sobre as etapas que viviu a educación.
Tivemos moi bo día, non nos choveu, algo a destacar xa que leva chovendo máis de dous meses.
Gravados de Rubens
Nunha visita ao Centro Cultural Lustres Rivas, puidemos disfrutar da exposición de gravados de Rubens.
Ali Padín acompañounos neste percorrido por unha mostra moi interesante, explicounos as técnicas de gravado utilizadas polo artista, os temas e o seu simbolismo.
