En educación física o alumnado de 3º de primaria estrenou os seus sticks de floorball de creación propia! Deste xeito traballamos aspectos como a reciclaxe ou a educación para o consumidor mentres desfrutan deste deporte alternativo. Encantoulles!!
Aínda que todos os días do ano te mereces o noso agarimo, hoxe no cole de maneira especial adicámosche as nosas creacións.
Os alumnos de 6º descubriron a vida e obra de Picasso coa lectura do libro “Pablo e as pombas”.
Unha toma de contacto co cubismo, levou aos alumnos a facer diferentes modelos de caras picasianas.
Ao longo da semana pasada os alumnos de 2º de Primaria estivemos iniciámonos no mundo do diñeiro. Repartimos una serie de billetes e moedas de euro para cada alumno cos billetes. Con eles quixemos que os recoñecesen e aprendesen as equivalencias entre eles, así como a combinación entre euros-céntimos e monedas-billetes. Unha das actividades que lles gusta é anotar diferentes cantidades e compoñer cos seus “cartos” as cantidades sinalada. Seguiremos traballando para poder ir de compras e practicalos os pagos e cambios.
Os maiores do colexio adicamos estes días a traballar nun proxecto de aula que chamamos “Debate a catro”. Unha actividade que nos enriquece como persoas, promove o pensamento crítico, axúdanos a defender as nosas ideas e a analizar tamén as alleas. Desde o respecto, desenvolvemos habilidades de comunicación para expresar as opinións e tamén a escoitalas.
O cambio climático, a pena de morte, ou o negacionismo… son algúns dos temas que tratamos. A práctica do debate non só fortalece as nosas habilidades sociais e lingüísticas, senón tamén implica asumir responsabilidades e asimilar modelos de comportamento democrático.
Tempo de ledicia e esperanza.
Chegando ao final deste camiño cara a cruz, faise hoxe máis visible ca nunca en todo o planeta, que a pandemia que vivimos dende fai un ano, estanos facendo cambiar o noso estilo de vida, os nosos hábitos e incluso os nosos valores. Temos máis presente que “nunca é tarde para” apostar pola acollida, o perdón, o amor, a responsabilidade e o encontro con Cristo morto e resucitado por cada un de nós.
Ao longo desta semana traballamos a Pascoa con múltiples actividades nas que recreamos os diferentes símbolos que anuncian os pasos da Semana Santa.
