Os nenos e nenas de primeiro de primaria convertidos en diversos animaliños dramatizamos unha adaptación do conto: A mellor sopa do mundo, para un público moi especial… os pequerrechos da Escola Infantil Municipal.
Gracias pola acollida de profes e peques, estivemos moi a gusto, desenvolvemos destrezas diversas e desfrutamos compartindo e creando ilusión aos máis pequenos.
O día 27 de febreiro realizouse no estadio municipal Julio Mato “Matito” a carreira intercomarcal de cross onde participou o alumnado do noso colexio clasificado na carreira de cross en Ribeira.
Desta volta volveron a conseguir uns moi bos resultados cun segundo posto na categoría benxamín masculino da man de Adrián Salgado, un segundo posto na categoría alevín masculino obtido por Juan Pardavila e un terceiro posto como equipo na categoría alevín masculino formado por Breixo López Millares, Juan Pardavila González, Nicolás Millán Sampedro, Ángel Martínez Lijó, Asier Teira Lorenzo e Hugo Gago García.
Os alumnos Adrián Salgado e Juan Pardavila, clasificáronse na modalidade individual para a proba da carreira provincial de cross que se realizará no circuito do Loreto en Porto do Son o 15 de marzo.
Noraboa a todos e sorte para os clasificados.
O alumnado de 1º e 2º visitamos o Gadis Hiper para coñecer de primeira man os ingredientes dun menú saudable e completamos diversas misións na nosa visita pola cidade: a oficina de Correos , o Mercado e a Biblioteca Municipal.
Un ano máis achegámonos á celebración da nosa ilustre poeta Rosalía de Castro. No seu aniversario, o 23 de febreiro, dispuxémnos a homenaxeala coñecenco os seus versos, a súa vida, os pensamentos e inquedanzas.
En 5º EP lemos os poemas e debuxamos á poeta de Padrón. Temos as nosas obras no corredor de Primaria.
O alumnado da ESO lemos, escribimos e reflexionamos sobre a mensaxe da súa obra. En 1º e 2º de ESO realizamos debuxos e seleccionamos os poemas que máis nos gustan, lémolos na clase e falamos da vida da autora. En 3º e 4º elaboraron caligramas cos seus versos. Quedáronlles xenial!
Seguindo a proposta da AELG confeccionamos con eses versos uns carteis que temos nos corredores de secundaria. “Eu son libre. Nada pode conter a marcha dos meus pensamentos e eles son a lei que rexe o meu destino».
#oamordapatriagalega
#_rdc2024
Este venres un grupo de alumnos do noso centro achegouse ata a guardería dos Barbanziños, no Hospital da Barbanza.
A través de cancións moi coñecidas por eles, como Baby shark ou A panteira rosa, puideron coñecer novos instrumentos: o chelo, o saxo, a frauta traveseira e o teclado.
Os nenos estiveron moi atentos en todo momento, pero tampouco deixaron pasar a oportunidade de bailar as súas cancións favoritas.
Como mostra de agradecemento, entregáronos un diploma feito por eles.
Os alumnos de 1° e 2° de primaria, traballaron a lateralidade e a identificación das catro principais figuras musicais. E como non podía ser doutro xeito, sen deixar a diversión de lado!
Dende principios do mes de febreiro o centro ten instalada unha estación meteorolóxica BRESSER formada por un sensor multifuncional e por unha estación base. Nesta, pódense consultar os seguintes datos: Dirección do vento, velocidade, temperatura, humidade, precipitacións, nivel raios UV e intensidade da luz. Os estudiantes teñen a oportunidade de participar na recopilación e análise de datos e incluso facer as súas propias prediccións. Ánimo!!
Os alumn@s de 4º,5º e 6º participaron na charla sobre o acoso escolar e a utilización das redes sociais, impartida pola policía nacional encargada destes temas. O obxectivo é a prevención e a concienciación do alumnado sobre o dano que se pode causar e os perigos que se poden correr .
Nesta unidade fabricamos as nosas propias pas de paladós, un deporte de cancha dividida semellante ao tenis pero que empregamos coma implemento unhas pas redondas nas mans suxeitadas por unha goma. Logo da etapa de familiarización comezaremos cos partidos coma práctica real.
A choiva non deixou que os mimos desfilaran pola parroquia saudando a pais e veciños pero o noso renovado polodeportivo acolleu unha gran festa con desfiles e bailes na que os mimos repartiron moita alegría.
