Mes: febrero 2019

Xa se pode consultar a información sobre o proceso de admisión para o vindeiro curso 2019-20 no apartado ADMISIÓN ALUMNOS.

Os alumnos de 2º e 3º de Primaria asisitimos o pasado venres 22 á divertida obra de teatro «Acuario», do grupo teatral Ghazafelhos.  Esta actividade estaba enmarcada dentro dos actos do día de ROSALÍA. Fixéronnos viaxar a través das ondas do mar con diferentes melodías para coñecer aos habitantes da nosa costa: sollas, fanecas, xardas, robalizas, sardiñas… Pasamos un intre moi divertido, sorrindo e cantando.. valorando a nosa lingua e todas as novas palabras e coñecementos que aprendemos.

Mentres, no colexio, os poemas de Rosalía ían enchendo de luz e cor as aulas e os corredores para lembrar a nosa poetisa máis ilustre.

A Asociación cultural «Alberto Romero» ven de fallar o seu premio anual no certame de curtas celebrado o pasado sábado en Boiro, onde o traballo «Tormenta mental» recibiu o 1º premio na categoría de ESO e Bacharelato. Foi presentado por un grupo de alumnos e alumnas de 4º de ESO do noso centro, despois de traballar arreo  neste proxecto  durante o 1º trimestre no Taller de Audiovisuais que se impartiu na ESO. Recolleron o premio Hugo Fontaíña (guionista e editor) e Xián Vila (protagonista).

Quixeron axiña compartir a experiencia cos compañeiros e para iso visitaron as aulas de Primaria para contarlles como xurdiu a idea ou como gravaron as esceas máis complexas. A cantidade de horas e o esforzo de todo o equipo víronse recompensados gratamente con este  premio. Parabéns, rapaces!

Non hai moitas ocasións nas que coincidan en Compostela dúas citas tan relevantes para a nosa cultura, como as que se deron estas últimas semanas arredor da figura de Daniel Castelao.

O alumnado de 3º e 4º de ESO visitou ambas exposicións o 15 de febreiro.

Á primeira, «Alba de Gloria. Unha experiencia», promovida polo Consello da Cultura Galega, acudimos no mosteiro de Bonaval.  Lembramos nela, o discurso pronunciado por Castelao en Bos Aires, o 25 de xullo de 1948. Foi para todos unha visita gratificante, pois puidemos revisar a historia de Galicia a través de paneis interactivos e cun guía que nos acompañou amablemente durante o percorrido.

Rematamos finalmente coa actividade en 3D que nos permitiu recrear de xeito moi novidoso, o discurso cos personaxes que nel aparecen.

Ao rematar, e no mesmo mosteiro, visitamos o Panteón de Galegos Ilustres, onde están soterrados Rosalía de Castro, Alfredo Brañas, o poeta Cabanillas, o escultor Asorey e o mesmo Castelao.

Xa pola tarde, tivemos a oportunidade de ver na Cidade da Cultura, o cadro pintado por Castelao no exilio: «A derradeira lección do mestre». Exposto durante anos no Centro Galego de Bos Aires, viaxou unhas semanas a Galicia, para regresar de novo á capital arxentina. Na visita afondamos na obra gráfica de Castelao e na temática das obras expostas, facendo especial fincapé na importancia do ensino como transmisor de valores e de cultura.

Os alumnos de 4º da ESO disfrutaron no patio medindo a altura das distintas instalacións do cole.

Empregaron un inclinómetro feito por eles, e despois da toma de medidas, fixeron os cálculos correspondentes para poner en práctica os conceptos aprendidos no tema de trigonometría. Un bo exemplo de traballo cooperativo, e de ver o lado lúdico das mates…..

O noso native teacher, Alex, cada semana realiza actividades nas súas clases cunha finalidade comunicativa  e estimulante. Actividades que están pensadas para ir consolidando e ampliando os contidos e obxectivos de cada curso. No seu método non se fai nada porque sí; todo ten a súa razón de ser! Estas dúas primeiras semanas de febreiro @s nen@s do primeiro ciclo da  primaria tiveron as clases de speaking adicadas  aos xogos no patio do colexio. Cada actividade tiña relación co vocabulario dos temas que se dan nas clases de Inglés.

Así @s nen@s aprenden inglés dunha forma divertida e amena. Este tipo de actividades son de gran axuda para interiorizar os coñecementos lingüísticos que adquiren na clase de Lingua Inglesa.

O pasado xoves 14 de febreiro, desfrutamos un ano máis co día do bocadillo solidario, onde o alumnado dende 3º de primaria ata 4º de ESO colaborou con esta campaña de Mans Unidas: “Cremos na igualdade e na dignidade das persoas”.

Grazas ó fabuloso tempo que nos acompañou, puidemos saír do cole ata o Dolmen de Axeitos, onde desfrutamos do bocadillo en sintonía coa natureza. Pasárono en grande!