Mes: octubre 2018

Lembramos que o vindeiro 2 de novembro e o 7 de decembro (día do ensino), non serán lectivos.

Os alumnos de Educación Infantil e 1º  ciclo de Primaria visitan o recuncho da biblioteca itinerante para conmemorar este día.

Púxose en marcha un novo recuncho para pasar un anaco de recreo, onde se pode pasar un tempo agradable somerxéndote en diferentes lecturas ou ben cos xogos de mesa.

Todo isto estará supervisado por un grupo de bibliotecarios que de forma voluntaria quixeron poñer en práctica esta actividade.

Hoxe puidemos ver máis de cerca os ósos que forman o noso esqueleto e a función que este ten. Así como os órganos que interveñen no aparato dixestivo e respiratorio.

Nesta semana, os alumn@s de 6º de Primaria, empregamos un novo recurso para traballar o vocabulario na materia de Social Science.

Coa colaboración de todo o grupo, fomos adiviñando os termos escondidos que xa foran traballados na unidade. Ao mesmo tempo, íamos nomeando os ósos que queríamos que os nosos compañeiros colocasen no esqueleto.

Como dixo o Doutor en Neurociencia Francisco Mora: “Só se aprende o que emociona”, e nós esta semana conseguimos espertar ese interese polo saber.

Os alumnos e alumnas de 3º e 4º de ESO comezamos a traballar o Plan Lector deste trimestre coas obras de An Alfaya: A cea das enaguas e O cero escuro. 

Avanzamos na lectura e na clase compartimos as nosas valoracións, comentamos personaxes, puxemos banda sonora a algunhas escenas da obra, agardamos polo final…

Disfrutamos de xeito diferente dos libros.

Esta semana, os alumn@s de 4º de E.P. asistimos a unhas charlas sobre os principais riscos e focos de incendio no entorno doméstico.

A continuación, e grazas á colaboración da Asociación Profesional de Técnicos de Bombeiros de España, a Fundación Mapfre e os Servizos de Bombeiros de Ribeira, aprendemos a realizar as manobras de reanimación cardiopulmonar (RCP), montamos no camión de bombeiros e na lancha motora, e puidemos probar a indumentaria que deben empregar nos seus rescates.

Os alumn@s de 4º celebramos o día de San Vicente coñecendo un pouco máis a fondo a súa vida e obra. Tamén puidemos participar con moito interese da Eucaristía xunto cos rapaces maiores do colexio e poñer o noso gran de area animando a celebración coas nosas voces.