Mes: febrero 2014

O león e  a leoa.

O león que non sabía escribir… foi o conto que un grupo de alumn@s de 4º da ESO leu nunha pequena dramatización aos compañeiros de 1º de EP o venres 14 deste mes.

O mono, o hipopótamo, a xirafa, o crocodilo, o escaravello e o voitre axudan ao león a escribir unha carta para namorar á leoa.

Luciron unhas fermosas maquillaxes grazas á colaboración de Pilar, que realizou un magnífico traballo.

                                                             Foi un día moi entretido e os pequenos disfrutaron tanto coma nós.

Os días 12 e 14  de febreiro os alumnos do 3º ciclo de E.P. do colexio A Milagrosa visitaron a instalación da escola Amicos situada en Oleiros. O obxectivo foi participar no programa Integr@escola.

A participación dos alumnos foi moi boa e receptiva, puideron ver  in situ os atrancos cos que se atopan estes rapaces e non tan rapaces na vida cotiá. Tamén  disfrutaron das súas aulas e interactuaron con eles nas distintas actividades. Aprenderon a linguaxe de signos, percorreron un mini circuito para experimentar que sente un invidente, fixeron unha pequena entrevista  onde comprobaron  a importancia de ser pacientes e   dar confianza a aqueles que lles custa manexar a linguaxe.

Foi unha experiencia moi enriquecedora para todos e que os nosos alumn@s calificaron  positivamente.

Hoxe enchemos a nosas redes sociais coas autofotos (selfies) do 2º ciclo da ESO con Rosalía.

Pasou o ano da conmemoración do 150 aniversario da publicación de Cantares Gallegos e a Fundación Rosalía de Castro convidounos a todos a participar neste día co #euRosalia.

Aquí vos deixamos as nosas aportacións a este berro nas redes en @InstaLectura.

Nós e Rosalía.

O martes 11 de febreiro os cursos de 3º e 4º da ESO fomos a Santiago de Compostela.

Tiñamos unha axenda moi apretada:

Comezamos ás 11:30 na Salle, onde disfrutamos dun musical a cargo do grupo catalán «Armónica Invisible»,  trio que nos fixo un percorrido pola música dos anos 50 aos 90.

Cando rematou o concerto,  fomos andando ata a Catedral, para disfrutar da actividade «Tellados de Santiago», onde  vimos as cubertas. Espectacular!

Logo o autobús deixounos nun centro comercial para comer e descansar un chisco e pola tarde ás 17:00 horas visitámolo MUPEGA (Museo Pedagóxico de Galicia).  Alí recibiunos Emilio, que é da Pobra e fíxonos un resumo moi bo sobre as etapas que  viviu a educación.

Tivemos moi bo día, non nos choveu, algo a destacar xa que leva chovendo máis de dous meses.

Nunha visita ao Centro Cultural Lustres Rivas, puidemos disfrutar da exposición de gravados de Rubens.

Ali Padín acompañounos neste percorrido por unha  mostra moi interesante, explicounos as técnicas de gravado utilizadas polo artista, os temas e o seu simbolismo.

O 2º ciclo da ESO acudiu  ao convite do IMER (Instituto de Mediación Educativa de Ribeira) e o PEN CLUB Galicia, o venres 31 de xaneiro na Casa do Mar. Nunha magnífica intervención, Quico Cadaval agasallounos con «Paz e Pan».

Historias e risas para unha mañá excepcional.

Disfrutámolo así. Grazas,Carreirán!!!

Os pequenos de Infantil, tamén celebraron a Paz.

Comezamos a semana  coa Liga da Paz cos alumnos de E.P. Os alumnos de 6º fixéronse co diploma da Paz.

Os alumnos de secundaria participaron nesa competición e foron os de   4ºESO os que recibiron o diploma do acto conmemorativo.

O dia 30 os alumnos reuníronse no salón de actos do colexio para conmemorar e lembrar este día  coa  realización de diferentes actividades en común.

-Elaboración do mural : “Xesús lévanos a PAZ”, rodeado dunha cadea co símbolo da pomba e un propósito para mellorar o noso entorno.

-Lectura do manifesto

-Proxección do vídeo:” A revolución de Jefferson” e “Cadea de favores”.

– Cancións: “De repente desperté “y “Paz dominicana”.

– Solta da pomba.

Comunicámoslles que no vindeiro curso 2014-15, non haberá cambios no uniforme escolar. A pesares de que os colexios vicencianos estamos en proceso de unificación en varios aspectos do funcionamento, no noso centro, a vestimenta dos nenos actualmente matriculados, non se verá afectada.

Só os novos alumnos de 4º de E. Infantil (3 anos) do vindeiro curso, verán modificadas as prendas deportivas ( chándal e camiseta ).